⚔️ GAZWA 🛡️ E 🛡️ UHOOD ⚔️
👉8 WA BAAB HIJRAT KA TEESRA SAAL SANN 3 HIJRI AUR JUNG-E-UHOOD....
💐Is Saal Ka Sabse Bada Waqia "JUNG-E-UHOOD" Hai Uhood Ek Pahad Ka Naam Hai Jo Madina Sharif Se 3 meel Door Hai Chunki Haq-wa-Batil Ma Yeh Azeem Maariqa Isi Pahad Ke Daman Me Darpesh Hua Isi Liye Ye Ladai "GAZWA-E-UHOOD" Ke Naam se Mashoor hai Aur Quran Sharif me Mukhtilif Ayato ne Is Ladai ke Waqiat Ka Allah Taa'la Ne Tazkira Farmaya hai....
🍀JUNG-E-UHOOD KA SABAB....
🌹Ye Aap Padh Chuke hai Ki Junge Badr me 70 Kuffar Qatl Aur 70 Kuffar Giraftar Hue The Aur Jo Qatl Hue Unme Aksar Kuffare Quraish Ke Sardar the Isi Liye Makkah Ka Ek-Ek Ghar Matam Qada Bana Hua tha Aur Quraish Ka Baccha-Baccha Musalmano se Ladne ke Liye Bekarar tha...
💐Arab Khusussan Quraish Ka Ye Turra-e-Imtiyaz Tha ko Wo Apne Ek-Ek Maqtool Ke Khoon Ka Badla lene Ko Itna Bada Farz Samajte the Jisko Ada Kiye Bagair Goya Unki Hasti Qaim Nahi Reh Sakti Thi...
🌹Chunache Jung-e-Badr Azm Kar Liya ki Jis Qadar Mumkeen Ho Jald Musalman Se Apne Maqtoolo Ko Khun Ka Badla Lena chahiye Abu Jahal Ka Beta Ikrama Aur Umaiyya Ka beta Sufyan Aur Dusre Kuffare Quraish Jinke Baap,Bhai,Bete Junge Badr me Qatl Ho Gae the Sabke Sab Abu Sufyan Ke Pas Gae Aur Kaha ki Musalmano ne Humari Qoum ke Sab Sardaro ko Qatl Kar diya Iska Badla lena Humare Qoum ka Farz hai....
💐Lihaza Humari Khawaish Hai ki Quraish Ki Mushtarka Tijarat me Is saal Jitna MuNafa Hua hai Wo Sab Qoum Ke Jungi Fund Me Jama hona Chahiye Aur Paiso Se Behtareen Hathiyar Kharidkar Apni Lashkari Taqat Bahut Mazboot Kar leni Chahiye Aur Fir ek Azeem Fouz leker Madina Par Chadai Karke Baani-E-Islam Aur Musalmano Ko Dunia Se Nest-O-Nabud Kar Dena Chahiye.....
🌹Abu Sufiyan Ne Is Darkhwast ko Turant Manzur Kar Liya....
🍀JUNG-E-UHOOD KA SABAB...
💐Abu Sufiyan Ne Khushi Khushi Quraish Ki Is Darkhwast ko Manzur Kar liya Lekin Quraish Ki Jung-E-Badr se Ye Tajurba Ho chuka tha Ki Musalmano Se Ladna Koi Aasan Kaam Nahi hai Aandhi,Aur Tufano Aur Samundar ki Mozo se Takkar lena Aasan Hai Magar Muhammad ﷺ Se Jung Karna Bada hi Mushkil Kaam hai Isliye Unhone Apni Jungi Taqat me Jyada Izafa Karna bhot Zaruri Samja....
🍁Chunache Un logo ne Jung ki Taiyari Hathiyaro ki Taiyari Aur Samane Jung Ki Taiyari Me Pani ki Trah Rupiya Bahane Ke Sath Sath Pure Arab Me Jung ka Josh Ora Ladai Ka Bukhar Felane ke liye Bade Bade Shayaro Ko Muntakhab Kiya jo Apni Aatish-Bayani Me Sohra-E-Aafaq Mashoor the In dono Ne Ba-Qaida Doura Karke Tamam Qabeele Arab me Ese Josh Aur Ishtial Paida kiya Ki Baccha-Baccha "KHOON KA BADLA KHOON" Ka Nara Lagate Hue Marne Aur Marne par Taiyar Ho gaya....
💐Jiska Nateeja Ye hua ki Bhot Badi Fouz Taiyar ho gai Mardo Ke sath Sath Bade Bade Miazzat Gharane ki Aurte bhi Joshe Intiqam Se Labrez Ho Kar Fouz Me Shameel ho gai Jinke Baap,Bhai,Bete,Sohar Junge Badr me Qatl Hue the Un Aurto ne Qasam Khai ki Hum Apne Rishtedaro Ke Qatilo Ka khoon Pikar Hi Dum Lenge....
🍁Huzur Aqdas ﷺ Ke Chacha Hazrat Hamza Radiallahu Anhu Ke Hind ke Baap Utba Aur Zubair Bin Mut'am Ke Chacha ko Junge Badr me Qatl Kiya tha Is Bina par Hind Ne Wahshi Ko Jo Zubair Bin Mut'am Ka Gulam Tha Hazrate Hamza Radiallahu Anhi ke Qatl Par Amada Kiya Aur ye Wada kiya ki Agar usne Hazrate Hamza Radiallahu Anhu Ko Qatl kar diya to Woh Is Karguzari Ke Sile me Azad Kaf dega....
🍀JUNG-E-UHOOD AUR MADINA PAR CHADAI....
💐Al-Garaz Be-Panah Josho-Kharosh Aur Intehai Taiyari ke Sath Lashkare Kuffar Makkah Se Rawana Hua Aur Abu Sufyan Is Lashkare Jarrar Ka Sipah-Salar Bana....
🌹Huzur ﷺ Ke Chacha Hazrate Abbas رضي الله تعالي عنه Ne Jo Khufiya Tor par Musalman Ho Chuke the Aur Makkah me Rehte the Unhone Khat Likhkar Huzur ﷺ Ko Kuffare Quraish Ki Lashkar Kashi ki Khabar Kar di...
💐Jab Apko Ye Khouf Naak Khabar mili To Apne 6 Shawwal 3 Hijri ko Hazrate Adi Bin Fuzala رضي الله عتهما Ke Dono Ladke Ko Hazrate Anas Aur Hazrate Munish رضي الله عتهما ko Jasus Bana kar Kuffare Quraish Ke Lashkar ki Khabar Lane ke liye Rawana Farmaya Chunache Un Dono Ne Akar Ye Pareshan Kun Khabar Sunai ki Abu Sufyan Ka Lashkar Madina Ke Bilkul Qareeb Aa gaya hai Aur Unke Ghode Madina ki Charagah ki Tamaam Ghaas Kha Gae....
🍀JUNG-E-UHOOD AUR MUSALMANO KI TAIYARI AUR JOSH....
💐Ye Khabar Sunkar 14 Shawwal 3 Hijri Jumma Ki Raat me Hazrate Saad Bin Muaz Wa Hazrate Usaid Bin Huzair Wa Hazrate Saad Bin Ubada رضي الله عنهم Hathiyar Leker Kuch Ansariyo ke Sath Raat Bhar Kashana-E-Nabuwwat Ka Pehra Dete Rahe Aur Sehre Madina Ke Aham Galiyo par Bhi Ansari Ka Pehra Bitha diya gaya....
🌹Subha Ko Huzur ﷺ Ne Ansar Wa Muhajeerin Ko Jama Karke Mashwara Farmaya Ki Sehar ke Andar Rehkar Dushmano ki Fouz ka Muqabla Kiya jae Ya Sehar ke Bahar Nikal Kar Medan me Jung Ladi Jae...
💐Muhajeerin Ne Aam Tor par Aur Ansar Me se Bade-Budho Ne Ye Raay di Ki Andar Rehkar Dushmano Ka Muqabla kiya jae Munafiqo Ka Sardar Abdullah Bin Ubaid Bhi is Majlis me Moujud tha Usne Bhi Yahi Kaha ki Sehar me Panahgir Hokar Kuffare Quraish Ke Hamlo ki Mudafat ki jae...
🌹Magar Kuch Nau-Jawan Jo Junge Badr Me Sharik Nahi hue the Aur Joshe Jihad Me Aape Se Bahar Ho Rahe the Wo Is Raay par Ek Ho gae ki Medan Me Nikal kar Un Dushmano Se Jung Ladi Jae....
💐Huzur ﷺ Ne Sabki Raay Suni Fir Makan Me Jakar Hathiyar Zaib-E-Tann Farmaya Aur Bahar Tashrif Lae Ab Tamaam Log Is Baat Par Mutaffiq Ho gae Ki Ab Sehar me Rehkar Kuffare Quraish Ke Hamlo ko Roka jae...
🌹Magar Jab Huzur ﷺ Ne Farmaya Ki Paigambar Ke Liye Ye Zaiba Nahi Deta ki Wo Hathiyar Pehankar Utaar De Yaha Tak ki Allah Taa'la Uske Dushmano Ke Darmiyam Faisla Farma de....
💐Ab Tum log Khuda ka Naam Lekar Medan me Nikal Pado Agar Tum Sabr ke Sath Medane Jung me Date Rahoge To Zarur Tumhari Fateh hogi....
📗(Madarij, Jild-2, Safa-114)
🍀JUNG-E-UHOOD ME HUZUR ﷺ NE YAHOODI KI IMDAD KO THUKRA DIYA....
💐Sehar se Nikalte Hi Aapne Dekha ki Ek Fouz Chali Aa rahi hai Apne Pucha Ki Ye koun log hai Logo ne Arz kiya Yaa Rasooallah ﷺ Ye Raees-ul-Munafiqeen Abdullah Bin Ubaiy Ke Haliq Yahoodiyo ka Lashkar hai Jo Apki Imdad ke liye Aa raha hai Aapne Irshad Farmaya Ki "IN LOGO SE KEH DO KI VAPAS LOUT JAE HUM MUSHRIKO KE MUQABLE ME MUSHRIKO KI MADAD NAHI LENGE"
📗(Madarij, Jild-2, Safa-114)
🌹Chunache Yahoidiyo ka Lashkar Vapas Chala Gaya Fir Abdullah Bin Ubaiy(Munafiqo ka sardar) Bhi Jo 300 Aadmiyo Ko Lekar Huzur ﷺ Ke Sath Aya tha Ye Kehkar Vapas Chala gaya ki "Muhammad ﷺ ne Mera Mashwara Qabool Nahi kiya Aur Meri Raay ke Khilaf Medan me Nikal Pade Me Unka Sath Nahi Dunga....
📗(Madarij, Jild-2, Safa-114)
💐Abdullah Bin Ubaiy ki Baat Sunkar Qabeela-E-Khajraz Me se "BANU SALMA" Aur Qabeela-E-Awas Me Se "BANU HARISA" Ke logo Ne bhi Vapas Lout Jane ka Irada Kar liya magar Allah Taa'la ne Un logo ke dilo me Achanak Muhabbate Islam Ka esa Josh Peida Farmaya Ki Unlogo Ke Qadam Jamm gae Chunache Allah Taala ne Quran Majeed me Un logo ka Tazkira Farmate Hue Irshad Farmaya ki...
🌱Tarjuma:-
💐Jab Tumme Ke 2 Giroh ka Irada hua ki Na Mardi Kar di Jae, Aur Allah Unko Sambhalne Wala hai Aur Musalmano Ko Allah ki Zaat par Bharosa Chahiye...
📓(Sureh Aale Imran)
🌹Ab Huzur ﷺ Ke Lashkar me 700 Sahaba Reh gae Jinme Kull 100 Jirah-Posh the Aur Kuffar ki Fouz Me 3000 Ashrar Ka Lashkar tha Jinme 700 Jirah-Posh The 200 Ghode,3000 Ount Aur 15 Aurte thi...
💐Sehar Se Bahar Nikalkar Huzur ﷺ Ne Apni Fouz Ka Muayna Farmaya Aur Jo log Kam Umr the Unko Vapas Louta diya Jung ke Howl Naaak Mouke par Baccho ka Kya kaam ???
🍀JUNG-E-UHOOD AUR BACCHO KA JOSH-E-JIHAD....
💐Jab Hazrat Rafe'a Bin Khudez رضي الله تعالي عنه Se Kaha Gaya Ki Tum Bhot Chote ho Tum bhi Vapas Chale Jao To Fouran Angutho ke Bal Tankar Khade ho gae Taki Unka Qadd Uncha Nazar aaye Chunache unki ye Tarkeeb Kaam Kar gai Aur Wo Fouz me Shameel Kar liye gae....
🌹Hazrate Sumra رضي الله تعالي عنه Jo Ek Kum-Umr Nao-Jawan The Jab unko Vapas Kiya jane laga To Unhone Arz kiya Ki Me Rafe'a Bin Khudez Ko Kushti ne Pachad Leta hu Isi Liye Agar wo Fouz me Liye gae To Fir mujd Bhi Jung me Sharik Hone ki Izazat Milni Chahiye...
💐Chunache Dono Ka Muqabla Karaya Gaya Aur Waqai hazrate Sumra رضي الله تعالي عنه Ne Hazrate Rafe'a Bin Khudez ko Zameen Par De mara Is Trah Dono Pur Josh Now-Jawan Ko Junge Uhood Me Shirqat Ki Sadat Naseeb Ho gai....
📗(Madarij-Jild,2-Safa,114)
🍀JUNG-E-UHOOD AUR TAJDARE DO AALM MEDAN-E-JUNG ME....
🌹Mushreekin To 12 Shawwal 3 Hijri Budh ke Din hi Madina ke Qareeb Pahuchkar Kohe Uhood par Apna Padaw Daal Chuke the Mahar Huzur Aqdas ﷺ 14 Shawwal 3 Hijri Bad Namaze Jumma Madina se Rawana hue Raat ko Bani Najjar me Rahe Aur 15 Shawwal Shanichar ke Din Namaz-E-Fazr ke waqt Uhood me Pahoche...
🍁Hazrat Bilal رضي الله تعالي عنه Ne Azan Di Aur Aapne Namaze Fazr Padha Kar aapne Medan-E-Jung me Safd Bandi Shuru Kar di Hazrate Akkash Bin Mikhsin Asadi Ka Lashkar Ke Dae Baazu par Aur Hazrate Abu Salma Bin Asad Makhzumi Ko Mesra Bae Bazu par Aur Hazrate Ubaida Bin Zarrar Wa Hazrate Miqdad Bin Umar ko Pichle Hisse par Muqarrar Farmaya رضي الله عنهم ...
🌹Aur Saff Bandi Ke Waqt Uhood Pahad ko Pusht par Rakha Kohe Ainen Ko Jo Wadi-E-Kanat Me hai Apne Bae Taraf Rakha Lashkar ke Piche Pahad me Ek Rasta tha Jisse Guzarkar Kuffare Quraish Musalmamo par Hamla Aawar ho Sakte the Isi Liye 50 Teer Andazo ka Ek Dasta Muqarrar Farmaya Aur Abdullah Bin Zubair رضي الله تعالي عنه ko Is Is Daste ka Afsar Bana Diya Aur Huqm Diya ki Dekho Hum Chahe Mashgool ho Ya Galib Magar tum log Is Jagah Se Tab tak Na Hatna Jabtak Me tumhare Pas kisi Ko Na bheju....
📗(Madarij, Jild-2, Safa-115, Bukhari Baab Maa Yakrah Min-Utt Tanauze)
🌹Mushreekin Ne bhi Nihayat Ba-Qaidi Ke Sath Apni Safo ko Durust kiya Chunache Unhone Apne Memna Par Khaleed Bin Wallad Ko Aur Mesra Par Ikrama Bin Abu Jahal ko Afsar Bana Diya Sawro ka Dasta Safwan Bin Umaiyya Ki Kaman Me Tha Teer Andazo ka Dasta Alag tha Jinka Sardar Abdullah Bin Rabeea Tha Aur Pure Lashkar ka Amaladar Talha bin Abu Talha tha Jo Qabeela-E-Abduddaar Ka Ek Aadmi Tha...
📗(Madarij, Jild-2, Safa-115)
🍁Huzur ﷺ Ne Dekha ki Pure Lashkar Kuffar Ka Amalbardar Qabeela-E-Bani Abdud Daar Ka Ek Saksh Hai to Apne bhi Islami Lashkar ka Jhanda Hazrate Mus'aeb Bin Umair رضي الله تعالي عنه Ko Ata Farmaya Jo Qabeela-E-Abduddaar se Talluk Rakhte the....
🍀JUNG-E-UHOOD ME JUNG KI IBTEDA.....
💐Sabse Pehle Kuffare Quraish Ki Aurte Daff Baja-Baja Kar Ese Ashar Gati hui Aage Badhi Jinme Badr ke Maqtoolo Ka Matam Aur Intiqame Khoon Ka Josh Bhara hua tha Lashkare Kuffar ke Sipah Salar Abu Sufiyan ki Biwi "HINDA" Aage Badhi Aur Kuffare quraish ke Muazzaz Gharano ki 14 Aurto ke Sath Thi Ye sab Milkar Kuch Ese Ashar Gaa Rahi Thi...
🍀TARJUMA:-
🌱HUM AASMAN KE TARO KI BETIYA HAI HUM QALEENO(JAZAM) PAR CHALNE WALIYA HAI...
🌱AGAR TUM BADHKAR LADOGE TO HUM TUMSE GALE MILENGE AUR PICHE QADAM HATAYA TO HUM TUMSE ALAG HO JAENGE...
🌹Mushrikeen ki Safo Me se Sabse Pehle Jo Saksh Jung ke Liye Nikla Wo "Abu Ameer Awasi" Tha Jiski Ibadat Aur Parsai ki Beena par Madina Wale Usko "RAHEEB" Kaha Karte the...
💐Magar Huzur ﷺ Ne Uska naam Fasiq Rakha tha Aur Madina Ka Maqbool E Aam Aadmi tha Magar Jab Rasool E Akram ﷺ Madina Tashrif Lae To Ye Saksh Zazba-E-Hasad Se Jal Bhoon Kar Khuda ke Mehboob ﷺ Ki Mukhalifat Karne Laga Aur Madina se Nikal kar Makkah Chala Gaya Aur Kuffare Quraish Ko Apse Jung Karne Par Aamada Kiya....
🌹Isko Bahot Bharosa Tha ke Meri Qoum Muje Dekhegi To Huzur ﷺ Ka Sath Chod degi Chunache Usne Medan me Nikal Kar Pukara ki Aye Ansar Kya tum log Muje Pehchante ho ?????Me Abu Ameer Raheeb hu...
💐Ansar ne Chilla Kar Kaha ki Haan-Haan Aye Fasiq Hum Tuje Khoob Pehcante hai Khuda Tujhe Zaleel Farmaye Abu Ameer Apne Liye Fasiq Ka Lafz Sunkar Tilmila Utha Kehne laga ki Haay Afsos Mere Bad Meri Qoum Bilkul Badal Gai hai Fir Kuffare Quraish ki To Toli Uske Sath thi Wo Teer Barsane Lagi Iske Jawab Me Ansar ne Bhi Is Zor se Sang-Bari ki Ke Abu Ameer Aur Uske Sathi Medan se Bhaag Gae....
📗(Madarij,Jild-2,safa-116)
💐Lashkare Kuffar ka AmalBardar Talha Bin Abu Talha Saff se Nikalkar Medan me Aya Aur Kehne Laga Ki Kyo Musalmano Tumme Koi Esa Hai Jo Muje Dozakh me Pahocha de Ya Mere Hath se Wo Jannat me Pahuch Jae....
🍁Iska Ye Ghamand Bhara Qalam Sunkar Hazrat Ali Sher e Khuda رضي الله تعالي عنه Ne Farmaya ki Haan! Me Hu Ye Kehkar Fatehe Khaibar ne Zulfuqar Ke Ek Waar se Uska Ser Faad Diya Aur Wo Zameen Par Tadapne Laga Aur Sher e Khuda Munh Ferkar Waha Waha se Hatt Gae....
💐Logo ne Pucha ki Apne Uska Ser kyo Nahi Kaat Liya Sher E Khuda رضي الله تعالي عنه Ne Farmaya Ki Jab Wo Zameen Par gira to Uski Sharmgaah Khul Gai Aur Wo Muje Kasam dene laga ki Muje Muaf Kar dijiye Us Behaya ko Be-Satr Dekh kar Muje Sharm Aa gai Isi Liye mene Munh Fer Liya...
📗(Madarij,Jild-2, Safa-116)
💐Talha ke Bad Uska Bhai Usman Bin Abu Talha Ye Sher Padhta hua Hamla Aawar Hua "Alambardar ka Farz Hai ki Neze ko Khoon me Rang de Ya Wo Takrakar Toot Jae Hazrate Hamza رضي الله تعالي عنه Uske Muqable ke Liye Talwar Leker Nikle Aur Uske Shaane Par Esa Bharpur Hath Mara Ke Talwar Reedh ki Haddi ko Kattu hui Kamar Tak Pahuch Gai Aur Aapke Munh se Ye Nara Nikla "ME HAJIYO KO SOURAB KARNE WALE ABDUL MUTTALIB KA BETA HU....
📗(Madarij,Jild-2, Safa-116)
🍁Iske Bad Aam Jung Shuru Hui Aur Medan Me Qust o Khoon Ka Bazar Garam ho Gaya....
🍀JUNG-E-UHOOD ME ABU DUJANA KO KHUSH KHABRI.....
💐Huzur Aqdas ﷺ Ke Daste Mubarak Me Ek Talwar thi Jisme Ek Sher Likha hua tha...
🌱Tarjuma:-
🍁Buzdili Me Sharm hai Aur Aage Badhkar Ladne me Izzat hai Aur Aadmi Buzdili Hokar Takdeer se Nahi Bach Sakta.....
💐Huzur Aqdas ﷺ Ne Farmaya Ki Koun hai Jo Is Talwar ko Leker Haq Ada Kare Ye Sunkar Bahut se Log Is Saadat Ke Liye Lapke Magar Ye Fakhru Sharf Hazrate Abu Duzana رضي الله تعالي عنه Ke Naseeb me Tha Ki Tajdare Do
Aalam ﷺ Ne Apni Talwar Hath se Hazrate Abu Duzana رضي الله تعالي عنه Ke Hath me De di Wo Ye Aazan Pakar Josh-O-Musharrat me Masto Bekhud Ho Gae Aur Arz kiya ki Yaa Rasooallah ﷺ Is Talwar ka Haq kya hai ???
🍁Aapne Irshad Farmaya "TU ISSE KAFIRO KO QATL KARE YAHA TAK KI YEH TEDHI HO JAE" Hazrate Abu Duzana رضي الله تعالي عنه Ne Arz Kiya Yaa Rasooallah ! Me Is Talwar Ko Iske Haq Ke Sath Leta hu...
💐Fir Wo Apne Ser pe Surkh Rumaal Bandh Kar Itrate Hue Medan-E-Jung me Nikal Pade Aur Dushmano ki Safo ko Cheerte Hue Talwar Chalate Hue Aage Badhte Chale Ja rahe the ki Ekdum Unke Samne Abu Sufyan ki Biwi "HINDA" AA GAI Hazrate Abu Duzana رضي الله تعالي عنه Ne Irada kiya Ki Uspar Talwar Chalau Magar fir Is Khayal se Hata li ki Huzur Aqdas ﷺ Ki Muqaddas Talwar Ke liye Ye Zeb Nahi Deta hai Ki Wo kisi Aurat ka Ser Kate....
📗(Zurqani,Jild-02, Safa-29)
📗(Madarij, Jild-02, Safa-116)
💐Hazrate Abu Duzana رضي الله تعالي عنه Ki Tarah Hazrate Hamza Aur Hazrate Ali رضي الله عتهما Bhi Dushmano ki Safo me Ghus Gae Aur Kuffar ka Qatle Aam Shuru Kar diya...
🍁Hazrate Hamza رضي الله تعالي عنه Intihai Josh-E-Jihad Me Do-Dasti Talwar Marte Hue Aage Badhte Chale Ja rahe the Isi Halat me "SHIBA-GANBASHANI" Samne Aa gaya Aapne Tadapkar Farmaya Ki Aurto ka Khatma Karne Walo Aurat Ke Baccho Tahar Jao Kaha Jata hai??? Tu Allah Wa Rasool Se Jung Karne chala hai Ye Kehkar Uspar Talwar chala di Aur wo 2 Tukde hokar Zameen Par Dher ho gaya.....
🍋JUNG-E-UHOOD ME HAZRATE HAMZA رضي الله تعالي عنه KI SHAHDAT....
🍒"WAHSHI" Jo Ek Habshi Gulam Tha Aur Uska Aqa Zubair Bin Mut'am Usse Wada Kar chuka Tha Ki Tu Agar Hazrate Hamza ko Qatl Kar dega To Me Tujhe Aazad Kar dunga....
🍇Wahshi Ek Chattan Ke Piche Chupa hua tha Aur Hazrate Hamza رضي الله تعالي عنه Ki Taak me Tha Jese hi Aap Uske Qareeb Me Pahuche Usne Door Se Apna Neza Fek Kar mara Jo Apki Naaf me Laga Aur Pusht Se Paar ho Gaya Is Haal me Bhi Hazrate Hamza رضي الله تعالي عنه Talwar Leker Uski Taraf Badhe Magar Zakhm Ki Taab Na Lakar Gir Pade Aur Sahadat Se Sarfaraz ho Gae...
📗(Bukhari Baab-Qatle Hamza, Jild-2, Safa-583)
🍒Kuffar Ke Alambardar Khud Kat-Kat Kar Girte Ja rahe the Magar Unka Jhanda Girne Nahi pata Tha Ek Ko Qatl Hone ke Bad Dusra Us Zhande ko Utha leta Tha Un Kafiro ke Josh-o-Kharosh Ka ye aalam tha Ki Jab Ek Kafir Ne Jiska Naam "SUWAB" Tha Mushrikeen Ka Zhanda Uthaya To Ek Musalman Ne uske Zor se Talwar Mari ki Unke dono Hath Kat kar Zameen Par Gir Pade Magar Usne Apne Qoumi Zhande ko Zameen par girne Nahi Diya Balki Jhande ko Apne Seene se Dabae Hue Zameen par gir Pada...
🍇Isi Halat me Musalmano ne Usko Qatl Kar diya Uske Marte hi Bahaddur Aurat Jiska naam "AMRA" Tha Usne Jhapatkar Qoumi Jhande ko Apne Hath me Leker Buland Kar Diya Ye Manzar dekhkar Quraish ko Gairat aa gai Aur Unki Bikhri Hui Fouz Simat aai Aur Unke Ukhde Hue Qadam Fir Jam Gae....
📗(Madarij, Jild-2, Safa-116)
🍋JUNG-E-UHOOD ME HAZRATE HANZLA رضي الله تعالي عنه KI SAHADAT....
🍒Abu Ameer Rahib Kuffar Ki Taraf se Lad Raha tha Magar uske Bete Hazrate Hanzala رضي الله تعالي عنه Parchame Islam Ke Niche Jihad Kar rahe the Hazrate Hanzla رضي الله تعالي عنه Ne Bargahe Risalat Me Arz kiya Ki Yaa Rasooallah ﷺ Muje Izazat Dijiye Me Apni Talwar Se Abu Ameer Rahib Ka Ser Katkar Lau Magar Huzur ﷺ Ki Rehmat ne Ye Gawara Na kiya Ki Bete ki Talwar Se Baap Ka Ser Kate...
🍇Hazrate Hanzala رضي الله تعالي عنه Is Qadar Josh Me Bhare hue the Ki Ser Hatheli Par Rakhkar Intihai Jaan-Bazi Ke Sath Ladte Hue Qalbe Lashkar Tak Pahuch Gae Aur Kuffar ke Sipah Salar Abu Sufyan Par Hamla Kar diya Aur Qareeb tha ki Hazrate Hanzla رضي الله تعالي عنه Ki Talwar Abu Sufyan Ka Faisla Kar de Ki Achanak Piche se Shaddad Bin-ul-Aswad Ne Jhapat kar Waar Roka Aur Hazrate Hanzla رضي الله تعالي عنه Ko Shaheed Kar diya....
🍒Hazrate Hanzla رضي الله تعالي عنه Ke Bare me Huzur ﷺ Ne Farmaya ki "FARISHTE HANZLA KO GUSL DE RAHE HAI" Jab Unki Biwi se Unka Haal Daryaft kiya gaya To Usne kaha ki Jung ki Raat Me Wo Apni Biwi ke Pas Soye hue The Gusl ki Hajat thi Magar Dawat-E-Jung Unke Kaan me Padi To Wo Usi Haal me Shareek e Jung ho gae...
🍇Ye Sunkar Huzur ﷺ Ne Farmaya ki Yahi Wajah Hai Jo Farishto ne Usko Gusl diya Is Waqiye Ki Binapar Hazrate Hanzala رضي الله تعالي عنه Ko "GASEEL-UL-MALAIKA" Ke Laqab se Yaad Kiya Jata hai...
📗(Madarij,Jild-2,Safa-123)
🍒Is Jung Me Mujahiddin e Ansar WA muhajeerin E Ansar Badi Dileri Aur Jabazi ke Sath Ladte Rahe Yaha Tak Ki Mushreekin Ke Pau Ukhad Gae Hazrate Ali Wa Abu Duzana Wa Hazrate Saa'd Bin Abi Wakkas Wagerah رضي الله عنهم Ke Mujahidana Hamlo Ne Mushreeko ki Kamar tod di Kuffar ke Tamam Alambardar Usman,Abu Saeed,Musafah Talha Bin Abu Talha Wagerah Ek Ek Karke Kat Kar Zameen Par Dher ho Gae....
🍇Kuffar Ko Shiqasht ho Gai Aur Wo Bhagne Lage Aur Unki Aurte Jo Bad-Hawasi Ke Aalam me Apne Izar Uthate hue Barahna Saaq Bhagti hui Pahado Par Dodti hui Chali Ja rahi thi Aur Musalman Qatl Wa Garat Me Mashgool the....
🍋JUNG-E-UHOOD ME NAA-GHA JUNG KA PASA PALAT GAYA....
🍒Kuffar ki Bhaag Doud Aur Musalmano Ke Fatihana Qatl Wa Gairat ka Ye Manzar Dekh Kar Wo Teer Andaz Musalman Jo Darra Ki Hifazat Pat Muqarrar Kiye Gae the....
🍇Wo Bhi Aapas me Ek Dusre Se ye Kehne Lage Ki Ganimat Luto-Ganimat Luto Fatah Tumhari Ho Gai Un logo Ke Afsar Hazrate Abdullah Bin Zubair ne Har-Chand Roka Aur Huzur Aqdas ﷺ Ka Farman Yaad Dilaya Aur Farmane Mustafvi Ki Mukhalifat Se Daraya Magar Un Teer-Andaz Musalmano Ne Ek Nahi Suni Aur Apni Jagah Chod kar Maale Ghanimat Lootne me Mashgool Ho Gae....
🍒Lashkare Kuffar Ka ek Afsar "KHALEED BIN WALEED" Pahad ki Bulandi Se ye Manzar Dekh Raha tha Jab Usne Ye dekha Ke Darra Pehradaro Se Khali Ho gaya Hai Fouran Hi Usne Darra Raste se Fouz Lakar Musalmano Ke piche Se Hamla Kar diya...
🍇Hazrate Abdullah Bin Zubair رضي الله تعالي عنه Ne Kuch Jaan-Nisaro Ke Sath Intihai Dilerana Muqabla Kiya Magar Ye Sabke-Sab Saheed Ho gae Ab Kya tha Kafiro ki Fouz Ke liye Rasta Saaf ho gaya Khaleed Bin Waleed ne Zabardast Hamla Kar diya Ye Dekhkar Bhagti hui Quraish ki Fouz Fir Palat Padi Aur Musalman Maal-e-Ghanimat Lootne me Mashroof The Piche Dekha To Talware Baras Rahi thi Aur Kuffar Aage Piche Dono Taraf se Hamla Kar rahe the...
🍒Musalmano Ka Lashkar Chakki ke Do Pato me Dano ki Tarah Pisne Laga Aur Musalmano Me Esi Bad-Hawasi Aur Abtari Fel Gai Ki Apne Aur Begane Ki Tameez Nahi Rahi Khud Musalman-Musalman Ki Talwaro Se Qatl Hue....
🍇Chunache Hazrate Huzaifa رضي الله تعالي عنه Ke Waleed Hazrate Yaman رضي الله تعالي عنه Khud Musalman Ki Talwar Se Saheed Hue Hazrate Huzaifa رضي الله تعالي عنه Chillate Rahe Ki Aye Musalmano Ye Mere Baap Hai Ye Mere Baap hai Magar Kuch Ajeeb Bad-Hawasi Feli Hui thi Ki Kisi Ka Dhayan Hi Nahi tha Aur Musalamano ne Hazrate Yaman رضي الله تعالي عنه Ko Saheed Kar diya....
🍋JUNG-E-UHOOD ME HAZRATE MUS'AB BIN UMAIR KI SAHADAT...
🍒Fir Bada Gazab Hua ki Lashkare Islam Ke Alambardar Hazrate Mus'ab Bin Umair رضي الله تعالي عنه Par Ibne Qamiyya Kafir Zhapta Aur Unke Dae Hath Par us Zor se Talwar Chala di Ki Inka Daya Hath Katkar Gir Pada Is Zabaz Muhazir Ne Zhapatkar Islami Zhande ko Bae Hath Se Sambhal Liya Magar Ibne Qamiyya ne Talwar Markar Unke Bae Hath ko bhi Saheed Kar diya...
🍇Dono Hath Kat chuke the magar Hazrate Umair رضي الله تعالي عنه ne Apne Dono Kate Hue Bazuo se Parcham E Islan ko Apne seene Se Lagae hue Khade rahe Aur Buland Awaz se Ye Ayat Padhte rahe...
🍉WAMA MUHAMMADUN ILLA RASOOL KADD KHALAT MIN KAB-LIHEER RASOOL....
🍒Fir Ibne Qamiyya Ne Unko Teer Markar Saheed Kar diya Hazrate Mus'ab Bin Umair رضي الله تعالي عنه Jo Surat Me Huzur ﷺ Se Kuch Mushabeh (Milte-Jhulte) The Unko Zameen Par Girta Dekh kar Kuffar ne Shor-o-Gul Macha diya Ki(Maazallah) Huzur Aqdas ﷺ Qatl Ho gae.....
🍒Allahu Akbar Is Awaz Ne to Gazab Hi Dha diya Musalman Ye Sunkar Bilkul hi Sarasima Aur Paraganda Dimag ho Gae Aur Medane Jung Chod Kar Bhagne Lage Bade-Bade Bahadduro ke Pau Ukhad gae Aur Musalmano Me 3 Giroh ho gae Kuch log Bhaag Kar Madina ke Qareeb Pahuch Gae Aur Kuch log Seham Kar Murda-Dil Ho gae Jaha the Waha reh Gae...
🍇Kuch Log Apni Jaan Bachate Rahe Ya Jung Karte Rahe Kuch log Jinki Taa'dat 13 Thi Jo Huzur ﷺ Ke Sath Sabit Qadam Rahe Is Halchal Aur Bhaag-Doud me Bhot se Logo ne Bilkul Himmat Haar di Aur jo log Bahadduri se Ladna Chahte the Wo bhi Dusmano Ke Do Tarfa Hamlo me Faskar Majbur Wa Lachar ho Chuke the....
🍒Taajdare Do Aalam ﷺ Kahan Hai Aur kis Haal me hai Kisi ko Iski Khabar Na thi Hazrat Ali Sher-E-Khuda رضي الله تعالي عنه Talwar Chalate Hue Dushmano ki Safo ko Cheerte Jate the Lekin Har taraf Mud-Mud Kar Huzur ﷺ Ko Dekhte the Magar Jamale Nabuwwat Nazar Na Aane se Wo Intihai Iztirab Aur Be-Qarari Ke Alam me the...
🍇Hazrate Ansa Bin Nazar رضي الله تعالي عنه Ne pucha ki Tum log Yaha Bethe Kya kar rahe ho ?? Logo ne Jawab Diya ki Ab Hum Ladkar Kya Karenge Jinke Liye Ladte the Wo Saheed ho gae Hazrate Ansa Bin Nazar رضي الله تعالي عنه Ne Farmaya ki Agar koi Waqei Rasooallah ﷺ Saheed ho Gae To Fir Hum Unke Bad Zinda Rehkar Kya karenge Chalo Hum bhi Isi Medan me Saheed hokar Unke Pas Pahuch Jae...
🍒Ye Kehkar Aap Dushmano Ke Lashkar me Ladte hue Ghus Gae Aur Aakhri Dum Tak Intihai Josh-E-Jihad Aur Ja-Bazi ke Sath Jung Karte Rahe Yaha Tak ki Saheed ho Gae Ladai ke Bad Jab unki Lash Dekhi Gai To 80 Se Zyada Teer-Talwaro Aur Nezo ke Zakhm Unke Badan Par The Kafiro ne Unke Badan ko Chalni Bana Diya tha Aur Naak, Kaan Wagers Kaatkar Unki Surat Bigad di thi Koi Unki Lash ko Pehchan Na saka Sirf Unki Behan ne Unki Ungliya dekh kar Unko Pehcnaha...
📚(Bukhari Gazwa-e-Uhood, Jild-38,Safa-579)
🍒Isi Trah Sabit bin Wahdah رضي الله تعالي عنه Ne Mayoos Ho jane Wale Ansariyo Se Kaha Ki Aye Jama'ate Ansar ! Agar Bil Farz Rasoole Huzur Aqdas ﷺ Saheed bhi ho Gae To tum Himmat Kyo Haar Gae Tumhara Allah To Zinda Hai Lihaza Tum log Utho Aur Allah Ke Din Ke liye Jihad Karo Ye Kehkar Apne Ansariyo Ko Apne Sath Liya Aur Lashkare Kuffar Par Bhooke Shero ki Trah Hamla Aawar Ho Gae Aur Aakhir Khaleed Bin Waleed Ki Talwar se Jaam-E-Sahadat Nosh Kar liya...
(Isaba Tarjuma Sabit bin Wahdi)
🍇Jung Jari Thi Aur Jaa-Nisarane Islam Jo Jaha the Wahi Ladai Me Mashroof The Sabki Nigahe Intihai Be-Qarari Ke Sath Jamale Nabuwwat Ko Talash Karti thi Aiyen Mayu ke Aalam me Sabse Pehle Jisne Tajdare Tajdare Do Aalam ﷺ Ka Jamal Dekha Wo Qaab bin Malik رضي الله تعالي عنه Ko Khushnaseeb Aankhe Hai Unhone Huzur Aqdas ﷺ Ko Pehchan kar Pukara Aye Musalmano Idhar aao Rasool E Khuda ﷺ Ye hai...
🍒Is Awaz ko Sunkar Jaan-Nisaro Me Jaan Pad gai Aur Har taraf Se Doud-Doud Kar Musalman Aane lage Kuffar ne Bhi Har Taraf se Hamla Rok kar Rehmate Aalam Huzur ﷺ Par Qatilana Hamla Karne ke liye Sara Zorr Laga diya Lashkare Kuffar Dal-Badal Huzum Ke Sath Umad Pada Aur Bar-Bar Madni Tajdar Par Yalgar Karne Laga Magar Zulfiqar Ki Bijli Se Ye Badal Fatt-Fatt Kar Haar Jata tha......
🍋JUNG-E-UHOOD ME HAZRATE ZIYAD BIN SAQAN KI SHUJA'AT AUR SAHADAT...
🍒Ek Martaba Kuffar ka Hujum Humla-Awar Hua To Sarware Alam Huzur ﷺ Ne Farmaya Ki "KOUN HAI JO MERE UPAR APNI JAAN QURBAN KARTA HAI??" Ye Sunkar Hazrate Ziyad Bin Saqan 5 Ansariyo ko Sath Leker Aage Badhe Aur Har ek Ne Ladte hue Apni Jaan Fida Kar di....
🍇Hazrate Ziyad Bin Saqan رضي الله تعالي عنه Zakhmo Se Choor Hokar Zameen Par gir Pade The Magar Kuch-Kuch Jaan Baki thi Huzur ﷺ Ne Huqm diya ki Unki Lash ko Mere Pas Le aao Jab Logo ne Unki Lash ko Bargahe Risalat Huzur ﷺ Me Pesh kiya To Hazrate Ziyad رضي الله تعالي عنه Ne Khisak Kar Mehboob E Khuda Huzur ﷺ Ke Kadmo Par Apna Munh Rakh diya Aur Isi Halat me Apka Wisal ho gaya Allahu Akbar!
🍒Hazrate Ziyad Bin Saqan رضي الله تعالي عنه Ki Is Mout par Lakho Zindagiya Qurban
Subhaan allah....
🍋KHAJUR KHATE-KHATE JANNAT ME....
🍒Is Ghamasan Ladai Aur Maar-Dhad Ke Hungame Me Ek Bahaddur Musalman Khada hua Aur Nihayat Be Parwahi Ke Sath Khazure Kha Raha tha Ekdum Aage Badha Aur Arz kiya Ki Yaa Rasoolallah ﷺ Agar me Is waqt Saheed Ho Jau To Mera Thikana Kaha hoga Aapne Farmaya Ki Tu Jannat Me Jaega! Wo Bahaddur Ye Sunkar Mast Wa Be-Khud ho Gaya Aur Ekdum Kuffar Ke Huzum Me Kud pada Aur Esi Shuja'at Ke sath Ladne Laga ki Kafiro ke Dil Hill Gae Isi Trah Jung Karte Karte Saheed ho Gaya....
📗(Bukhari, Gazwa-E-Uhood, Jild-2, Safa-579)
🍓JUNG-E-UHOOD ME LAGDATE HUE BAHISHT ME....
🍒Hazrate Umar Bin Jamuh Ansari رضي الله تعالي عنه Langde The Ye Ghar Se Nikalte Waqt Ye Dua Mangkar Chale the Ki Ya Allah Muje Medane Jung se Ahlo-Ayal Me Aana Naseeb Mat Kar Unke 4 Farzand bhi Jihad me Mashroof the Logo ne Unke Langde Hone ki Bina Par Jung karne Se Rok diya To Wo Huzur ﷺ Ki Bargah me Gidgida Kar Arz Karne Lage Ki Ya Rasooallah ﷺ Muje Jung me Ladne ki Izazat Ata Farmaiye Meri Tamanna hai ki Me Langdata hua Baag-E-Bahisht me Kharama-Kharama Chala Jau....
🍇Unki Be-Qarari Aur Giryazari Se Rehmate Aalam Huzur ﷺ Ka Qalbe Mubarak Muttasir ho gaya Aur Aapne Unko Jung Ki Izazat De di Ye Khushi se Uchal Pade Aur Apne Farzand ko Sath Lekar Kafiro ke Huzum me Ghus Gae Hazrate Abu Talha رضي الله تعالي عنه Ka Bayan hai Ki Mene Hazrate Umar Bin Jamuh رضي الله تعالي عنه Ko Dekha ki Wo Medane Jung Me Ye Kehte hue Chal rahe the Ki "KHUDA KI KASAM ME JANNAT KA MUSHTAQ HU" Unko Sath Dete hue Unka ladka bhi Badi Intihai Shuja'at ke Sath Lad Raha tha....
🍒Yaha Tak ki Dono Sahadat se Sarfaraz ho Gae Baag-E-Bahisht me Pahuch Gae Ladai Khatm Hone ke Bad Unki Biwi Hind Zouza-E-Amar Bin Jamuh Medan-E-Jung me Pahuchi Aur Usne Ek Ount Par Unki Aur Apne Bhai Aur Bete Ki Lash Ladkar Dafan ke Liye Madina Lana Chaha To Hazaro Kashisho Ke Bawjud Ount Ek Qadam bhi Madina ki Taraf Nahi Chala Balki Wo Medane Jung ki Taraf Bhaag Kar Jata raha.....
🍇Hind Ne Ye Majra Jab Huzur ﷺ Se Arz Kiya To Aapne Farmaya Ki Ye Batao Ki Jab Amar Bin Zamuh Ne Ghar se Nikalte Waqt Kuch Kaha tha Hind ne Kaha Ji Haan Wo Ye dua Karke Ghar se Nikle the ki Yaa Allah Mujhe Medan-E-Jung Se Ahlo-Ayal Me Aana Naseeb Mat kar!
Aapne Irshad Farmaya Ki Yahi Vajah hai Ke Ount Madina Ki Taraf Nahi Chal Raha hai...
📗(Madarij, Jild-2, Safa-124)
🍋JUNG-E-UHOOD ME TAAJDAR-E-DO AALAM ﷺ ZAKHMI.....
🍒Isi Sarasimgi Pareshani Ke Aalam me Jab Ki Bikhre Hue Musalman Abhi Rehmate Aalam Huzur ﷺ Ke Pas Jama Bhi Nahi Hue The Ki Abdullah Bin Qamiyya Jo Quraish Ke Bahadduro Me Bahut hi Naamwar Tha Usne Huzur ﷺ Ko Dekh Liya Aur Ekdum Bijli Ki Trah Safo Ko Cheerta Hua Aaya Aur Taajdare Do Aalam Huzur ﷺ Par Qateelana Hamla Kar diya..
Allahu Akbar...
🍇Zaleem Ne Puri Taqat Ke Sath Apke Chehra-E-Anwar Par Talwar Mari Jisse Khod Ki Do Kadiya Rukh-E-Anwar Me Chubh Gai Ek Dusre Kafir ne Apke Chehra-E-Aqdas Par Esa Pathhar Mara Ki Apke Do Dandane Mubarak Shaheed Hue Aur Niche Ka Muqaddas Honth Mubarak Zakhmi Ho Gaya Isi Halat me Ubaiyya Bin Khalaf Maloon Apne Ghode Par Sawar hokar Apko Saheed Kar dene ki Niyyat se Aage Badha Huzur ﷺ Ne Apne Jaa-Nisar Sahabi Hazrate Harees bin Simma رضي الله تعالي عنه Ne Ek Chota Sa Neza Lekar Ubaiiya Bin Khalaf Ki Gardan Par Mara Jisse Wo Tilmila gaya....
🍒Gardan Par bhot Mamuli Zakhm Aaya Aur Wo Bhaag Nikla Magar Apne Lashkar Me Jakar Apni Gardan Ke Zakhm Ke Bare me Logo se Apni Takleef Aur Pareshani Zahir Karne Laga Aur Be-Panah Na-Qabeele Bardasht Dard ki Shikayat Karne Laga Ispar Uske Sathiyo Ne Kaha ki "YE TO MAMULI KHARASH HAI TUM IS QADAR PARESHAN KYO HO" Usne Kaha ki Tum log Nahi Jante Ki Ek Martaba Mujse Muhammad( ﷺ ) Ne Kaha tha Ki Me Tumko Qatl Karunga Isi Liye Ye to Sirf Zakhm Hai Mera to Ye Aetiqad Hai ki Agar Wo Mere Upar Thook bhi Dete To bhi Me Samaj Leta ki Meri Mout Yaqeeni Hai....
🍇Iska Waqia Ye hai ki Ubaiyya Ne Makkah Me Ek Ghoda Paala Tha Jiska Naam Usne "OOD" Rakha Tha Wo Rozana Usko Charata Tha Aur Logo Se Kehta tha Ki Me Isi Ghode Par Sawar Hokar Muhammad ( ﷺ ) Ko Qatl Karunga..
Ubaiyya bin Khalaf Neze ke Zakhm Se Bekarar Hokar Rasta Bhar Tadapta Aur Bilbilata Raha Yaha Tak ki Jung-E-Uhood Se Vapas Lotte Hue Maqame "SAREEF" Me Mar Gaya......
📚(Zurqani Alal Mawahib,Jild-2,Safa-45)
🍒Isi Trah Bin Qamiyya Maloon Jisne Huzur ﷺ Ke Rukh-E-Anwar Par Apni Talwar Chala Di Thi Ek Pahadi Bakre ko Khuda Wande Kahhar wa Jabbar Ne Uspar Musallat Farma Diya Aur Usne Usko Sing Maar-Maar Kar Chalni Bana Dala Aur Pahad ki Bulandi Se Niche Gira Diya Jisse Uski Lash Tukde-Tukde Hokar Zameen Par Bikhar Gai...
📗(Zurqani,Jild-2,Safa-39)
🍋JUNG-E-UHOOD ME SAHABA KA JOSH-E-JAA-NISARI....
🍒Jab Huzur ﷺ Zakhmi ho Gae To Charo Taraf se Kuffar ne Aap par Teer-o-Talwar Ka Waar Shuru Kar diya Aur Kuffar Ka Be-Panah Lashkar Apke Har Chahar Taraf se Hamla Karne Laga Jisse Aap Kuffar ke Narg me Mahsur hone Lage Ye Manzar Dekh kar Jaa-Nisar Sahaba Ka Josh-E-Jaa-Nisar Se Khoon Kholne Laga Aur wo Apni Jaan Hatheli Par Rakhakr Apko Bachane Ke liye is Jung ki Aag me Kud pade...
🍇Aapke Ird Gird Ek Halka Bana liya Hazrate Abu Duzana رضي الله عنه Jhukkar Apke Liye Dhal Ban gae Aur Charo Taraf se Jo Talware Baras Rahi thi Unko Wo Apni Pusht Par lete Rahe Aap Tak us Talwar Ya Neze ki maar Ko Pahuchne hi Nahi dete The Hazrate Talha رضي الله عنه ki Jaa-Nisari ka Ye Aalam tha ki Wo Kuffar ki Talwaro ko Waar ko Apne Hatho Par Rokte The Yaha tak ki Unka Ek Hath Katkar Gir Gaya Aur Unke Badan Par 35 Ya 39 Zakhm Lage....
🍒Garz Ke Jaa-Nisar Sahaba ne Huzur ﷺ Ki Hifazat me Apni Jaano Ki Parwah Nahi ki Aur esi Bahadduri Aur Jaa-Nisari ke Sath Jung Karte Rahe Ki Tarikh-E-Aalam Me Iski Misal Nahi Mil Sakti....
🍇Hazrate Abu Talha رضي الله عنه Nishan Bazi me Mashoor the Unhone Is Mouke par Is Qadar Teer Barsae Ke Kai Kamane Toot gai Unhone Huzur ﷺ Ko Apni Pith Ke Piche Bitha liya Taki Dushmano Ke Teer Ya Talwar Ka Koi Waar Aap par Na Aa sake Kabhi-Kabhi Aap Dushmano Ki Fouz Ko Dekhne ke Liye Gardan Uthate to Hazrate Abu Talha رضي الله عنه Arz Karte ki Ya Rasooallah ﷺ Mere Maa-Baap Aap Par Qurban Aap Gardan Na Uthae Kahin Esa na ho Ki Dushmano ka Koi Teer Aoko Lag Jae Ya Rasooallah Aap Meri Pith Ke Piche hi Rahe Mera Seena Apke Liye Dhal Bana Hua hai....
📚(Bukhari Gazwa-E-Uhood, Safa-581)
SUBHANALLAH
SUBHANALLAH
SUBHANALLAH
🍒Hazrate Qatadah Bin Noman Ansari رضي الله عتهما Huzur ﷺ Ke Chehra-E-Anwar ko Bachane ke Liye Apna Chehra Dushmano ke Samne Kiye hue the Naagha Kafiro Ka ek Teer Unki Aankh Par Laga Aur Aankh Behkar Unke Rukhsar par aa gai Huzur ﷺ Ne Apne Daste Mubarak Se Unki Aankh Ko Uthakar Aankh ke Halke me Rakh Diya Aur Dua Farmai Ke Ya Allah ! Qatadah Ki Aankh Bacha le Jisne Tere Rasool Ke Chehre Ko Bachaya, Mashoor hai Ki Unki Aankh Dusri Aankh Se Zyada Roshan Aur Khubsurat Ho gai...
📗(Zurqani, Jild-2, Safa-42)
🍇Hazrate Saad Bin Abi Waqqas رضي الله عنه Bhi Teer-Andazi me Intihai Baa-Qamal The Ye Bhi Huzur ﷺ Ke Mudaf'at Me Jaldi-Jaldi Teer Chala Rahe the Aur Huzur ﷺ Khud Apne Daste Mubarak Se Teer Utha-Utha Kar Unko Dete The Aur Farmate the Ki Saad ! Teer Barsate Jao Tum Par mere Maa Baap Qurban...
📚(Bukhari, Gazwa-E-Uhood, Safa-480)
🍒Zaleem Kuffar Intihai Be-Dardi ke Sath Huzur ﷺ Par Teer Barsa Rahe the Magar Us Waqt bhi Apki Zuban-E-Mubarak Par Ye Dua thi "AYE ALLAH ! MERI QOUM KO BAKSH DE WO MUJE JANTI NAHI"
📗(Muslim,Gazwa-E-Uhood, Jild-2,Safa-90)
SUBHANALLAH...
🍒Huzur ﷺ Dandane Mubarak Ke Sadme me Aur Chehra E Anwar Ke Zakhmo Se Nidhal Ho Rahe the Is Halat me Aap Un Gaddo me se Ek Gadde me gir Pade jo Abu Ameer Fasiq ne Ja-Baja Khodkar Unko Chupa Diya tha Taki Musalman La-Ilmi In Gaddo Ke Andar Gir Pade...
🍇Hazrat Ali رضي الله تعالي عنه Ne Apko Pakda Aur Hazrate Talha Bin Abdullah رضي الله تعالي عنه Ne Khud (Lohe Ki Topi) Ki Kadi Ka Ek Halka Jo Chehra-E-Anwar Me Chubh Gaya tha Apne Danto Se Pakadkar Is Zor Ke Sath Kheecha ki Unka Dant Toot Kar Zameen Par Gir Pada Fir Dusra Halka Danto se Pakad kar Kheecha to Dusra Dant bhi Toot Gaya...
🍒Apke Chehra-E-Anwar Se jo Khoon Baha Usko Hazrate Abu Saeed Khudri رضي الله تعالي عنه Ke Walid Hazrate Malik Bin Sunan رضي الله تعالي عنه Ne Josh-O-Aqeedat ke Sath Chus Kar Pi liya Aur Ek Qatra bhi Zameen Par Girne Nahi diya Huzur ﷺ Ne Farmaya ki Aye Malik Bin Sunan Kya Tune Mera Khoon Pi Dala Arz Kiya Jee Haan Huzur Apne Irshad Farmaya Ki Jisne Mera Khoon Pi Liya Jahannam ko Majal Ki Usko Choo Sake....
📗(Zirqani,Jild-2,Safa-39)
🍇Isi Halat me Huzur ﷺ Apne Jaa-Nisaro Ke Sath Pahad ki Bulandi Par Chad Gae Jaha Kuffar Ke Liye Pahuchna Dushwar tha Abu Sufyan Ne Dekh Liya Aur Fouz Leker Wo bhi Pahad Par Chadne Laga Lekin Hazrate Umar رضي الله تعالي عنه Aur Dusre Jaa-Nisar Sahaba Ne Kafiro Par Us Zor se Pathhar Barsae Ki Abu Sufyan Uski Taab Na La Saka Aur Pahad se Utar Gaya....
🍒Huzure Aqdas ﷺ Apne Kuch Sahaba Ke Sath Pahad ki Ek Ghati me Tashrif Farma The Aur Chehra-E-Anwar Se Khoon Beh Raha tha Hazrate Ali رضي الله تعالي عنه Apni Dhal me Pani Bhar-Bhar kar La Rahe the Aur Hazrate Fatima Zahra رضي الله تعالي عنه Apne Hatho se Khoon Dho Rahi thi Magar khoon Band Nahi hota Tha, Bil Aakhir Khazur ki Chatai Ka Ek Tukda Jalaya Aur Uski Raakh Zakhm Par Rakh di To Khoon Fouran Hi Jamm Gaya...
📗(Bukhari, Gazwa-E-Uhood
,Jild-2,Safa-584)
🍋JUNG-E-UHOOD ME ABU SUFYAN KA NAARA AUR USKA JAWAB.....
🍒Abu Sufyan Jung ke Medan Se Vapas Jane Laga To Ek Pahadi Par Chad Gaya Aur Zor-Zor Se Pukara ki Kya yaha Muhammad( ﷺ) Hai ???
🍇Huzur ﷺ ne Farmaya Ki Tum Log Uska Jawab Na Do Fir Usne Pukara Kya Tumme Abu-Bakr Hai ?? Huzur ﷺ Ne Farmaya Koi Kuch Jawab Nahi Dega....
🍒Fir Usne Pukara Kya Tumme Umar Hai ?? Jab Iska bhi koi Jawab Nahi Mila To Abu Sufyan Ghamand Se Kehne Laga Ki Ye sab Mare Gae Kyonki Agar Zinda hote To Zarur Mera Jawab Dete Ye Sunkar Hazrate Umar رضي الله تعالي عنه Se Zabt Na Ho saka Aur Apne Chilla Kar Kaha ki Aye Dushman-E-Khuda! Tu Jhuta Hai Hum Sab Zinda hai....
🍇Abu Sufyan ne Apni Fateh ke Ghamand me Ye Nara Lagaya"AYE HUBAL TU SERBULAN HOJA" Huzur ﷺ Ne Sahaba Se Farmaya ki Tum log bhi Iske Jawab me Nara Lagao Logo ne Pucha Hum Kya kahe ???
Irshad Farmaya Tum log Ye Nara Lagao"ALLAH SABSE BULAND MARTABA AUR BADA HAI....
🍒Abu Sufyan ne Kaha "HUMARE LIYE BAHUT HAI AUR TUMHARE LIYE KOI NAHI" Huzur ﷺ Ne Farmaya Tum log Iske Jawab me Kaho ki "ALLAH HUMARA MADADGAR HAI AUR TUMHARA KOI MADADGAR NAHI"
🍇Abu Sufyan Ne Ba-Awaz Buland Bade Fakhr Ke Sath Ye Elaan Kiya Ki Aaj Ka Din Badr ke Din Ka Badla Aur Jawab Hai Ladai me Kabhi Feh Kabhi Shiqast Hoti hai Aye Musalmano Humari Fouj Ne Tumhare Maqtoolo ke Kaan,Naak Kat Kar Unki Surte Bigad Di, Magar Mene Na to Iska Huqm Diya tha Na Muje Ispar Koi Ranj-O-Afsos hai ye Kehkar Abu Sufyan Medan Se Hatt Gaya Aur Chala Gaya.....
📗(Zurqani,Jild-2,Safa-48)
📗(Bukhari, Gazwa-e-Uhood, Jild-2,Safa-579)
🍋JUNG-E-UHOOD ME HINDA JIGAR-KHWAR....
🍒Kuffare Quraish Ki Aurto Ne Jung-E-Badr Ka Badla Lene ke Liye Josh Me Sohda-E-Kiram Ki Lasho Par Jakar Unke Kaan,Naak Wagerah Katkar Surte Bigad di Aur Abu Sufyan Ki Biwi Hinda Ne to Is Be-Dardi Ka Mushahra Kiya ki Un Aa'aza Ka Haar Banakar Apne Gale me Dala.....
🍇Hinda Hazrate Hamza رضي الله تعالي عنه Ki Muqaddas Lash Ko Talash Karti Fir Rahi thi Kyonki Hazrate Hamza رضي الله تعالي عنه Ne Junge Badr Ke Din Hinda ke Baap Utba Ko Qatl Kiya tha Jab Us Be-dard ne Hazrate Hamza ko Paa Liya To Khanzar Se Unka Pet Fadkar Kaleja Nikala Aur Usko Chaba Gai Lekin Halak se Na Nigal Saki To Ugal Diya....
🍒Tarikho me Hinda Ka Laqab "JIGAR-KHAWAR" Hai Wo Isi Waqia Ke Bina par Hai Hinda Aur Uske Sohar Abu Sufyan Ramzan Sann 8 Hijri Me Fateh Makkah Ke Din Islam Qubul Kiya....
🍇Saa'ad Zaid Bin Sabit رضي الله تعالي عنه Ka Bayan Hai Ki Me Huzur ﷺ Ke Huqm se Hazrat Saa'd Bin-ur-Rabeea Ki Lash Ki Talash me Nikla to Mene Unko Saqrat ke Aalam me Paya Unhone Mujse Kaha ki Tum Huzur ﷺ Se Mera Salam Arz Karna Aur Apni Qoum Se Baad Salam Mera Ye Pegam Suna Dena Ki Jab Tak Tumme Se Ek Aadmi Bhi Zinda hai Agar Huzur ﷺ Tak Kuffar Pahuch Gae To Khuda ke Darbar me Tumhara koi Uzr bhi Qabeele Kabool Na hoga Ye Kehkar Unki Rooh Parwaz Kar gai....
📗(ZURQANI, JILD-2,SAFA-48)
🍋JUNG-E-UHOOD ME KHAWATIN-E-ISLAM KE KARNAME.....
🍒Jung-E-Uhood Me Mardo ki Tarah Aurto Ne bhi Bahut hi Mujahidana Jazbat Ke Sath Ladai me Hissa Liya, Hazrate Bibi Ayesha Aur Hazrate Bibi Umme Sulaim رضي الله تعالي عنه Ke Bare Hazrate Anas رضي الله تعالي عنه Bayan Karte hai Ki Ye Dono Paiche Chadae Hue Mashaq Me Pani Pilati Thi Isi Trah Hazrate Abu Saeed Khudri رضي الله تعالي عنه Ki Walida Hazrate Bibi Umme Sulait Bhi Barabar Pani Ki Mashq Bharkar Lati Thi Aur Mujahiddin ko Pani Pilati thi....
🍋HAZRATE UMME AMMARA KI JAA-NISARI....
🍇Hazrate Bibi Umme Ammara Jinka Naam "NASIYYAB" Hai Jung-E-Uhood Me Apne Sohar Hazrate Zaid Bin Aasim Aur 2 Farzand Hazrate Ummara Aur Hazrate Abdullah رضي الله تعالي عنه Ko Sath Leker Aayi thi Pehle to Mujahiddin ki Pani Pilati thi Lekin Jab Huzur ﷺ Par Kuffar Yalgar ka Hoshruba Manzar Dekha to Masak ko Fenk kar Ek Khazar Leker Kuffar ke Muqable Me Seena-Sipar hokar Khadi ho Gai Aur Kuffar Ke Teer Wa Talwar Ke Har ek Waar Ko Rokti Rahi Chunache Unke Ser per Aur Gardan Par 13 Zakhm Lage....
🍒Ibne Qamiyya Maloon Ne Jab Huzur ﷺ Par Talwar Chala di To Umme Ammara رضي الله تعالي عنه Ne Aage Badhkar Apne Badan Par Roka Chunache Unke Kandhe Par itna Gehra Zakhm Aaya Ki Gaar Pad Gaya Fir Khud Badhkar Ibne Qamiyya Ke Shane par Zordar Talwar Mari Lekin Wo Maloon Dohri Zirah Pehne Hue tha Isi Liye Bach gaya....
🍇Hazrate Bibi Umme Ammara Ke Farzand Hazrate Abdullah Kehte hai Ki Muje Kafir ne Zakhmi Kar diya Aur Mere Zakhm Se Khoon Banad Nahi Hota, Meri Walida Hazrate Umme Ammara Ne Fouran Apna Kapda Fadkar Zakhm Par Band Liya Aur Kaha Beta Utho Khade ho Jao Aur Fir Jihad Me Mashgool Ho jao....
🍒Ittifaq Se Wahi Kafir Huzur ﷺ Ke Samne Aa gaya To Apne Farmaya Ki Aye Umme Ammara Dekh Mere Bete ko Zakhmi Karne Wala Yahi hai Ye Sunte hi Hazrate Bibi Umme Ammara Ne Jhapatkar Us Kafir Ki Tang Par Talwar Ka Esa Bharpur Waar Kiya Ki Wo Kafir Gir Pada Aur Fir Chal Na Saka Balki Sureen Bankar Ghasitta Hua Bhaga Wo Manzar Dekhkar Huzur ﷺ Hanss Pade Aur Farmaya Aye Umme Ammara Tu Khuda ka Shukr Ada Kar ki Usne Tujhko Itni Taqat Ata Farmai ki Tune Khuda ki Raah me Jihad Kiya....
🍇Hazrate Bibi Umme Ammara ne Arz Kiya Ki Yaa Rasooallah ﷺ Dua Farmae ki Hum log Jannat me Apki Khidmat Guzari Ka Sharf Hasil Ho Jae Usi Waqt Apne Unke Aur Unke Sohar Aur Unke Beto ke Liye Dua Farmai "YA ALLAH ! IN SABKO JANNAT ME MERA RAFEEQ BANA" Hazrate Bibi Umme Ammara رضي الله تعالي عنه Zindagibhar Elaniya Ye Kehti rahi Ki Rasooallah ﷺ Ki Is Dua Ke Bad Dunia Me Badi Se Badi Museebat Bhi Mujhpar Aa jae To Muje Uski Koi Parvah Nahi.....
📗(Madarij, Jild-2, Safa-126)
🍋JUNG-E-UHOOD ME HAZRATE SAFIYYA KA HOSLA.....
🍒Huzur ﷺ Ki Fufi Hazrate Bibi Safiya رضي الله تعالي عنه Apne Bhai Hazrate Hamza رضي الله تعالي عنه Ki Lash Par aai To Aapne Unke Bete Hazrate Zubair رضي الله تعالي عنه Ko Huqm Diya ki Meri Fufi Apne Bhai ki Lash ko Na Dekhne Pae, Hazrate Bibi Safiya رضي الله تعالي عنه Ne Kaha ki Muje Apne bhai ke Bare me Sabkuch Maloom Ho Chuka hai Lekin Me Isko Khuda Ki Raah Me Koi Badi Kurbani Nahi Samajti Fir Huzur ﷺ Ki Izazat Se Lash Par Gai Ye Manzar Dekha ki Pyare Bhai Ke Kaan,Naak,Aankh Sab Kate Pade hai,Shiqam Chaak,Jigar Chabaya Hua Pada hai Ye Dekhkar Us Sher-Dil Khatoon Ne "INNA LILLAHI WA-INNA ILAYHI RAJIUN" Padha Fir Unki Magfirat ki Dua Mangti Hui Chali Gai...
📚(Tabri, Safa-1421)
🍋EK ANSARI AURAT KA SABR....
🍇Ek Ansari Aurat Jiska Sohar,Baap,Bhai Sabhi Is Jung me Saheed Ho Chuke the Teeno ki Sahadat ki Khabar Bari-Bari Se Logo ne Use Di Lekin Har Bar wo Yahi Puchti Rahi ki Batao Ki Rasooallah ﷺ Kese hai ??
🍒Jab Logo ne Use Bataya ki Alhamdulillah Wo Zinda hai Aur Salamat hai To Be-Ikhtiyar Uski Zaban Se Is Sher ka Mazmoon Nikal Pade ki...
🍉TASALLI HAI PANAHE BE-QASA ZINDA SALAMAT HAI....
🍉KOI PARVAH NAHI SARA JAHA ZINDA SALAMAT HAI...
🍇Allahu Akbar !
Is Sher Dil Aurat ke Sabro-Intisar Ka Kya Kehna? Sohar,Baap,Bhai Teeno Ke Qatl ke Din Par Sadmat Ke 3 pahad Gir Pade Hai Magar Fir bhi Zabane Haal se Iska Yahi Naara hai Ko...
🍉ME BHI AUR BAAP BHI, SOHAR BHI BIRADAR BHI FIDA...
🍒AYE SAHE DI ! TERE HOTE HUE KYA CHEEZ HAI HUM....
📚(Tabri, Safa-1425)
🍋JUNG-E-UHOOD KE SOHDA-E-KIRAM....
🍒Is Jung me 70 Sahaba-E-Kiram Ne Jaan-E-Sahadat Nosh Farmaya Jinme 4 Muhajir Aur 66 Ansar The, 30 Ki Taa'dad me Kuffar Bhi Nihayat Zillat ke Sath Qatl Hue...
📗(Madarij-un-Nabuwwat, Jild-2, Safa-133)
🍇Magar Musalmano Ki Muflisi Ka Ye Aalam Tha Ki Un Sohda-E-Kiram Ke Kafan Ke Liye Kapda bhi Nahi tha Hazrate Mus'ab Bin Umair رضي الله تعالي عنه Ka Ye Haal Tha ki Ba-Waqte Sahadat Unke Badan Par Sirf Ek Itni Badi Kamli thi Ki Unki Lash ko Qabr me Letane Ke Bad Agar Ser Dhanka Jata to Per Khul Jate Aur Per Chupaya Jata to Ser Khul Jata tha, Akhir me Ser Chupa Diya Gaya Aur Per par Ghas Daal Di Gai....
🍒Sohda-E-Kiram Khoon Ke Lathde Hue 2-2 Saheed Ek Sath Qabr me Dafnae Gae Jisko Quran Zyada Yaad Hota Usko Aage Rakhte....
📕(Bukhari, Jild-1, Safa-170)
📗(Bukhari, Jild-2, Safa-584)
🍋QABR-E-SOHDA KI ZIYARAT......
🍒Huzur ﷺ Sohda-E-Kiram Ki Qabro Par Ziyarat ke Liye Tashrif Le Jate Aur Apke Bad Abu-Bakr Wa Umar Farook رضي الله عتهما Ka bhi Yahi Amal Raha,
🍇Ek Martaba Huzur ﷺ Sohda-E-Kiram Ki Qabro Par Tashrif Le Gae To Irshad Farmaya ki "YA ALLAH ! TERA RASOOL GAWAH HAI KI IS JAMA'AT NE TERI RAZA KI TALAB ME JAAN DE DI FIR YE BHI IRSHAD FARMAYA KI QAYAMAT TAK JO MUSALMAN IN SAHEEDO KI QABRO PAR ZIYARAT KE LIYE AYEGA AUR UNKO SALAM KAREGA TO YE SOHDA SALAM KA JAWAB DENGE"
🍒Chunache Saiyeda Fatima رضي الله تعالي عنه Ka Bayan Hai Ki Me Ek Din Uhood Ke Medan Se Guzar Rahi Thi Hazrate Hamza رضي الله تعالي عنه Ki Qabr ke Pas Pahuch Kar Mene Arz ki "ASSALAMU ALYKUM YA AMMMA RASOOALLAHI" (Aye Rasooallah Ke Chacha Aap Par Salam Ho) To Mere Kaan me Awaz Aai "Wa-Alykum Assalam"
📗(Madarij-un-Nabuwwat, Jild-2, Safa-135)
🍋JUNG-E-UHOOD QA'AB BIN ASHRAF KA QATL.....
🍒Yahoodiyo Me Qa'ab Bin Ashraf Bahut hi Dolatmand Tha, Yahoodi Ulma Aur Yahoodi Ke Mazhabi Peshwao Ko Apne Khazane Se Tankhwa Deta tha, Dolat ke Sath Sayri me Bhi Bahot Ba-Kamal Tha Jiski Vajah Se Na Sirf Yahoodiyo Balki Tamaam Qabeela-E-Arab Par Uska Ek Khas Asar Tha.....
🍇Usko Huzur ﷺ Se Sakht Adawat Thi Jung-E-Badr Me Musalman ki Fateh Aur Sardarane Quraish Ke Qatl Ho Jane se Uska Intihai Ranj-Wa-Sadma Hua, Chunache Ye Quraish Ki Ta'jiyat Ke Liye Makkah Gaya Aur Kuffare Quraish Ka Jo Badr Me Maqtool Hue The Esa Purdard Marsia Likha ki Jisko Sunkar Same'en Ke Maz-Az Me Matam Barpa Ho Jata Tha Is Marsiya Ko Ye Saksh Quraish Ko Suna-Suna Kar Khud bhi Zaar-Zaar Hota Tha Aur Same'en Ko Bhi Rulata Tha....
🍒Makkah Me Abu Sufyan Se Mila Aur Usko Musalmano Se Jung-E-Badr Ka Badla Lene Par Ubhara Balki Abu Sufyan Ko Leker Haram Me Aya Aur Kuffare Makkah Ke Sath Khud Bhi Qaba Ka Gilaf Pakadkar Ahad Kiya Ki Musalmano Se Badr Ka Zarur Intiqaam Lenge, Fir Makka Se Madina Lotkar Aaya To Huzur ﷺ Ki Hizu Likhkar Shaan-E-Aqdas Me Tarah-Tarah ki Gustakhiya Aur Be-Adabiya Karne Laga, Isi Par Bas Nahi Kiya Balki Apko Chupke Se Qatl Kara Dene ka Qasd Kiya.....
🍇Qaa'ab Bin Ashraf Yahoodi Ki Trah Harqate Sarasar Us Muahade ki Khilaf-Warzi Thi Jo Yahood Aur Ansar Ke Darmiyan Ho Chuka tha Ki Musalmano Aur Kuffare Quraish Ki Ladai me Yahoodi Gair-Janibdar Rahenge Bahut Dino Tak Musalman Bardast Karte Rahe, Magar Jab Bani-E-Islam Huzur ﷺ Ki Muqaddas Jaan Ko Khatra Laheek Ho Gaya,To Hazrate Muhammad Bin Muslima Ne Hazrate Abu-Naa'la wa Hazrate Abbas Bin Bishr Wa Hazrate Haris Bin Awas Wa Hazrate Abu Abas رضوان اللہ تعالی عليهم أجمعينٰ Ko Sath Liya Aur Raat Me Qaa'ab Bin Ashraf Ke Makan Par Gae Aur Rabi-ul-Awwal Sann 3 Hijri Ki Uske Qille Ke Fatak Par Usko Qatl Kar Diya Aur Subha ko Bargah-E-Risalat Huzur ﷺ Ke Kadmo Me Daal Diya....
🍒Is Qatl Ke Silsile me Hazrate Haris Bin Awas رضي الله تعالي عنه Ki Talwar ki Nok Se Zakhmi Ho Gae The Muhammad Bin Muslim'u Wagera رضي الله عنهم Unko Kandho Par Uthakar Bargah-E-Risalat me Lae Aur Apne Apna Luaabe Dahan Zakhm Par Laga Diya To Usi Waqt Shifa-E-Qameel Hasil Ho Gai....
📗(Zurqani,Jild-2,Safa-10)
📗(Bukhari, Jild-2,Safa-576)
📚(Muslim,Safa-110)
👉MUKAMMAL....
.
👉HUMARI TELEGRAM CHANNEL JOIN KARKE AUR BHI MOZUAT ROMAN ME PADH SAKTE HAI...
.
http://t.me/ZubersArchive
.
👉Follow My Page On Instagram :
.
https://instagram.com/thesword_of_ali
.
🔗Subscribe You Tube Channel :
.
youtube.com/c/TheSwordOfAli
.
👉Join Us On Facebook.....
.
https://www.facebook.com/zuberpatelz
.
👉Is Post Ko Likhne Ke Kisi Tarah Ka Correction Ho To Is Number Par Whatsapp Kare.
⭕NOTE : Is Qitab Ke 30 Safhat Abhi Likhna Baaki Hai Inshaa Allah Bahot Jald Likhkar Blog Par Upload Kar Diye Jayenge....
Comments
Post a Comment