FATEH MAKKAH

🕋"FATEH MAKKAH"🕋

🏔RAMZAN SANN 8 HIJRI MUTABIK JANUARI 630*

🌈Ramzan Sann 8 Hijri Tarikhe Nabuwwat Ka Hinayat Azeem'Ush Shaan Unwan Hai, Aur Seerat-E-Mustafa Ka Ek Sunahra Waqiya Ke Jiski Aabo-Taab Se Har Momin Ka Qalb Qayamat Tak Musarrato Ka Aaftab Bana Ragega...

🌉Kyonki Tajdare Ambiya Huzur ﷺ Ne Apne Apne Yaar Is Tarikh Se 8 Saal Qalb Intehayi Ranjidgi Ke Aalam Me Apne Yaar-E-Gaar Ko Sath Lekar Raat Ke Andhere Me Makkah Se Hijrat Farmakar Apne Watan-E-Azeez ko Khairbaad Keh Diya Tha Aur Makkah Se Nikalte Waqt Khuda Ke Muqaddas Ghar Khana-E-Qaba Par Hasrat Bhari Nigaah Dalkar Ye Farmte Huwe Madina Rawana Huwe ki *Aye Makkah ! Khuda ki Kasam Tu Meri Nigahe Muhabbat me Tamam Duniya ke Sehro me Sabse Zyada Pyaara hai...

🌈Agar Meri Qoum Muje Na Nikalti To Me Hargiz Tujhe Ba Chorta, Lekin 8 Saal Ke bad Yahi Woh Musarrat Khez Tarikh hai Ki Aapne Ek Fateh AAzam ki Shaam O Shoqat ke Sath Isk Sehre Makkah Me Nuzool-E-Ijlaal Farmaya Aur Qabatullah Me Dakhil Hokar Apne Sajdo Ke Kamal-O-Jamal Se Khuda ke Muqaddas Ghar Ki Azmat Ko Sarfaraz Farmaya...

🌉Lekin Nazrin Ke Zehno Me Ye Sawal Uthata Rahega Ki Jab Hudebiya ki Selehnama  Me Ye Tehrir Kiya Ja Chuka Tha ki 10 Saal Tak Fariken Ke Mabein Koi Jung na Hogi To Fir Aakhir Woh Konsa Esa Sabab Namoodar Huwa Ki Sulahnama Ke Faqat Do Hi Saal Bad Tajdare Do Aalam ﷺ Ko Ahle Makkah Ke Samne Hathiyar Uthene Ki Zarurat Pesh Aa Gayi Aur Aap Ek Azeem Lashkar Leker Fatehana Hesiyat Se Makkah me Dakhil Huwe To Is Sawal Ka Jawab Ye hai Ki Iska Sabab Kuffare Makkah ki *AHAD SHIQNI* Aur Hudebiya Ke Sulahnaama se Gaddari Hai....

🏔KUFFARE QURAISH KI AHAD SHIKNI...*

🌈Suleh Hudebiya me Ek Shart Ye bhi Thi Ke Qabeela-E-Arab Me Se Jo Qabeela-E-Quraish Ke Sath Muahida Karna Chahe Woh Quraish ke Sath Muahida Kar Le Aur Jo Hazrate Muhammad Huzur ﷺ Se Muahida Karna Chahe Woh Huzur ﷺ Ke Sath Muahida Kar le...

🌉Chunache Is Bat Par Qabeela-E-Bani Baqar Ne Quraish Se Bahmi Imdad Ka Muahida Kar Liya, Aur Qabeela-E-Bani Khuza'a Ne Rasoolallah ﷺ Se Imdade Bahmi ka Muahida Kar liya Ye Dono Qabeele Makkah ke Qareeb hi Aabad The Lekin Un Logo me Arsa-E-Daraz Se Sakht Adawat Aur Mukhalifat Chali Aa Rahi thi Ek Muddat Se to Kuffare Quraish Aur Dusre Qabeele Ke Kuffar Musalmano se Jung Karne me Apna Saara Zor Sarf Kar Chuke the....

🌈Lekin Suleh Hudebiya Ki Badoulat Jab Musalmano Ki Jung se Kuffare Quraish Aur Dusre Qabeele Ko Itmenan Mila to Qabeela-E-Bani Baqar ne Qabeela-E-Bani Khuza'aa Se Apni Purani Adawat Ka Intikam Lena Chaha Aur Apne Haleef Kuffare Quraish Ke Tamam Ameero Yani Ikrama Bin Abu Jahal, Safwan Bin Umaiyya, Suhail Bin Amr, Wagera-Wagerah Bade Sardaro Ne Elaniya Bani Khuza'aa Ko Qatl kiya..

🌉Bechare Bani Khuza'aa Is Khoufnaak Zalimana Hamle ki Taab Na Laa Saka Aur Apni Jaan Bachane ke Liye Qa'ba Me Panah Lene Ke liye Bhage, Bani Baqar ki Awam Ne To Haram Me Talwar Chalane se Hath Rok Liya Aur Harame Ilahi Ka Ehteraam Sifat Khunkhar Insano ne Harame Ilahi Ka Ehteram Ko bhi Khaak Me Mila Diya Aur Harame Qaba Ki Hadd me Nihayat hi Zalimana Tor par Bani Khuza'aa Ka Khoon Bahaya Aur Kuffare Quraish Ne Bhi Qatlo Garat Aur Kushto Khoon Me Khoob-Khoob Hissa Liya...

📗(ZURQANI, JILD-02, SAFA-289)

🌈Zahir Hai ki Quraish ne Apni Is Harkat Se Hudebiya Se Muahide Ki Amali Tor par Tod Daala, Kyonki Bani Khuza'aa Rasoolallah ﷺ Se Muahida Karke Aapke Haleef Ban Chuke The, Isliye Bani Khuza'aa Par Hamla Karna Ye Rasoolallah ﷺ Par Hamla Karne Ke Barabar Tha Is Hamle Me Bani Khuza'aa Ke 23 Aadmi Qatl Ho Gaye ...

🌉Is Haadse Ke Bad Qabeela-E-Bani Khuza'aa Ke Sardar Amar Bin Saalim Khuzayi 40 Aadmiyo Ka Qafla Lekar Fariyad Karne Aur Imdad Talab Karne Ke Liye Madina Bargahe Risalat ﷺ Me Pahuche Aur Yahi Se *FATEH MAKKAH* Ki Shuruat Huyi.....

🏔TAJDARE DO AALAM ﷺ SE IMDAAD...*

🌈Hazrate Bibi Mey'muna Radiallahu Anha Ka Bayan hai Ki Ek Raat Huzur ﷺ Kashana-E-Nabuwwat Me Wuzu Farma Rahe the Ki Ekdum Nagha Aapne Buland Aawaz Se 3 Martaba *LABBAIK,LABBAIK,LABBAIK*(Me Tumhare Liye Hazir hu) Fir 3 Martaba Buland Aawaz Se Irahad Farmaya *Nusir'ta,Nusir'ta,Nusir'ta* (Tumhe Madad Mil Gayi) Jab Aap Wuzu Khane se Nikle to Mene Arz Kiya Ki Ya Rasoolallah ﷺ Aap Tanhayi me Kisse Guftagu Farma Rahe the ??

*⤵(DALEEL-E-ILME GAIB)⤵*

🌉Aapne Irshad Farmaya Ki Aye Mey'muna ! Gazab Ho Gaya Mere Haleef Bani Khuza'aa Par Bani Baqar Aur Kuffare Quraish Ne Hamla Kar Diya Aur Is Musibat Ke Waqt me Bani Khuza'aa Ne Waha Se Chilla-Chilla Kar Muje Madad Ke Liye Pukara hai, Aur Mujse Madad Talab Ki hai Aur Mene Unki Pukar Sunkar Unki Dharas Bandhane Ke Liye Unko Jawab Diya Hai..

🌈Hazrate Bibi May'muna Radiallahu Anha Kehti hai Ki Is Waqiye Ke Teesre Din Jab Huzur ﷺ Namaze Fazr ke Liye Masjid Tashrif Le Gaye Aur Namaz se Farig Huwe To Daf'atan Bani Khuza'aa Ke Mazloomin Ne Rajaj Ke In Ash'aar Ka Buland Aawaz Se Padhna Shuru Kar Diya Aur Huzur ﷺ Aur Ashabe Kiram Ne Unki Is Pur-Dard Aur Riqq'at Angez Fariyad Ko Bagair Suna Aur Rajaj Ke Kuch Ash'aar Mulahiza Farmaye..

*🏟Aye Khuda ! Me Muhammad ﷺ Ko Woh Muahida Yaad Dilaya hu Jo Humare Aur Unke Baap-Dadawo Ke Darmiyan Qadeem Zamane Se Ho Chuka Hai...*

*🏟To Khuda ! Aapko Sidhi Raah Par Chalaye, Aap Humari Bharpur Madad Kijiye Aur Khuda ke Bando Ko Bulaye Wo Sab Imdad ke Liye Ayenge..*

*🏟In Madad Karne Walo me Huzur ﷺ Bhi Gazab Ki Halat me ho Ki Agar Unhe Zillat ka Daag Lage to Unke Tewar Badal Jaye...*

*🏟Un Logo ne(Bani Baqar w Quraish) "MAQAM-E-WATIR" Me Hum Sote Huwo Par Shabkhoon Mara Aur Ruqu Aur Sajde Ki Halat me bhi Hum Logo ko Be'dardi se Qatl Kar Dala..*

*🏟Yaqeenan Quraish Ne Aapse Wa'da Khilafi Ki Hai Aur Aapse Mazboot Mua'hida Karke Tod Dala hai...*

🌉In Ahs'aar Ko Sunkar Huzur ﷺ Ne Logo ko Tasalli Di Aur Farmaya ki Mat Gabhrao Me Tumhari Imdad Ke Liye Taiyar hu...

*📗(ZURQANI, JILD-02, SAFA-590)*

🏔HUZUR ﷺ KI AMAN-PASANDI(अमन पसंदी)...

🌈Iske Bad Huzur ﷺ Ne Quraish Ke Pas Khat Lekar Ek Qasid Bheja Aur 3 Sharte Pesh Farmayi Ke Inme Se Koi Ek Shart Manzoor Kar le..

*🏟①Bani Khuza'aa Ke Maqtoolo Ka Fidya, Muafza Diya Jaye...*

*🏟②Quraish Qabeela-E-Bani Baqar ki Himayat se Alag Ho Jaye...*

*🏟③Elaan Kar Diya Jaye ki Hudebiya Ka Muahida Toot Gaya hai...*

🌉Jab Huzur ﷺ Ke Qasid Ne In Sharto ko Quraish ke Samne Rakha To Kurta Bin Abd Amar Ne Quraish Ka Numainnda Bankar Jawab Diya Ki *Na Hum Maqtoolo Ke Khoon ka Muafza Denge,Na Apne Haleef Qabeela-E-Bani Baqar ki Himayat Chorenge,Haan Teesri Shart Hume Manzoor hai Aur Hum Elaan Karte hai ki Hudebiya ka Muahida Toot Gaya* Lekin Qasid ke Jane ke Bad Quraish ki Apne Is Jawab Par Nadamat Huyi...

🌈Chunache Kuch Ameer-E-Quraish Abu Sufyan ke Pas Gaye Aur Ye Kaha ki Agar Ye Muammla Na Suljha To Fir Samaje Ki Muhammad(ﷺ) Humpar Hamla Karenge, Abu Sufyan ne kaha ki Meri Biwi Hinda Binte Utba Ne Ek Khawab Dekha Hai Ki *Maqame HUZOON Se Maqame KHANDAMA Tak Ek Khoon Ki Nehar Behti Huyi Aayi hai Fir Nagha Woh Khoon Gayab ho Gaya..*

🌉Quraish Ne Is Khawab Ko Nihayat hi Manhoos Samja Aur Khouf-O-Dehshat Se Saham Gaye Aur Abu Sufyan Par Bahut Zyada Dabaw Dala ki Woh Fouran Madina Jakar Muahida-E-Hudebiya ki Tajdid Kar le....

📗(Zurqani, Jild-02, Safa-292)

🏔ABU SUFYAN KI KOSHISH....*

🌈Iske Bad Bahut hi Tezi Ke Sath Abu Sufyan Madina Gaya Aur Pehle Apni Ladki Hazrate Ummul Momineen Bibi Umme Habiba رضي الله تعالى عنها Ke Makan Par Pahucha Aur Bister Par Bethna Hi Chahta tha Ki Hazrate Umme Habiba رضي الله تعالى عنها Ne Jaldi se Bister Utha Liya, Aur Abu Sufyan Ne Hairan Hokar Pucha Ki Beti ! Tumne Bister Kyu Utha Liya ??? Kya Bister ko Mere Qabil Nahi Samja Ya Mujhko Bister Ke Qabil Nahi Samja...

🌉Ummul Momineen Ne Jawab Diya Ki Yeh Rasoolallah ﷺ Ka Bister hai, Aur Tum Mushrik Aur Najis ho Isi liye Mene Ye Gawara Nahi Kiya Ki Tum Rasoolallah ﷺ Ke Bister Par Betho, Ye Bat Sunkar Abu Sufyan Ke Dil Par Chot Is Trah Lagi Wo Waha se Ranijda Hokar Chala Gaya Aur Huzur ﷺ Ki Bargah Me Hazir Hokar Apna Maksad Bayan Kiya Huzur ﷺ Ne Koi Jawab Naa Diya...

🌈Fir Abu Sufyan Hazrate Abu Bakr Siddiq W Hazrate Umar w Hazrate Ali رضوان اللہ تعالی عليهم أجمعينٰ Ke Pas Gaya, Un Sab Hazraat Ne Jawab Diya Ki Hum Kuch Nahi Kar Sakte, Hazrate Ali رضی الله عنہ Ke Pas Jab Abu Sufyan Pahucha To Waha Hazrate Bibi Fatima Aur Hazrate Imame Hasan رضي الله عتهما Bhi the, Abu Sufyan Ne Badi Zalalat Ke Sath Kaha ki Aye Ali ! Tum Qoum Me Bahot Hi Reham Dil Ho Hum Ek Maksad Lekar Yaha Aaye hai Kya hum Yunhi Nakam Chale Jaye...

🌉Hum Sirf Yahi Chahte hai Ki Tum Muhammad(ﷺ) Se Humari Sifarish Kar Do, Hazrate Ali رضی الله عنہ Ne Farmaya ki Aye Abu Sufyan ! Hum Logo ki Ye Majal Nahi ki Hum Huzur ﷺ Ke Irade Aur Unki Marzi Me Koi Mudakhalat Kare Har Taraf se Mayoos Hokar Abu Sufyan Ne Hazrate Fatima Zahra رضي الله تعالى عنها Se Kaha ki Aye Fatima Ye Tumhara 5 Baras Ka Baccha(Imame Hasan) Ek Martaba Apni Zaban Se Itna Keh De ki Mene Do Farik Me Sulah Karwa Di To Aaj Ye Baccha Arab Ka Sardar Kehkar Pukara Jaega Hazrate Bibi Fatima رضي الله تعالى عنها Ne Jawab Diya Ki In Baccho ko In Muammle me Kya Dakhal ??????

🌈Aakhir Me Abu Sufyan Ne Kaha ki Aye Ali ! Muammla Bahut hi Kathin Nazar Aata hai Koi Tadbeer Batao Hazrate Ali رضی الله عنہ Ne Farmaya Ki Me Is Muammle Me Tumhe Koi Mufeed Ray to Nahi De Sakta Lekin Tum Bani Kinana Ke Sardar ho Tum Khud hi Logo ke Samne Elaan Kar Do Mene Hudebiya Ki Tajdid Kar di...

🌉Abu Sufyan Ne Kaha ki Kya Mera Elaan Kuch Mufeed Ho Sakta hai ?? Hazrate Ali رضی الله عنہ Ne Farmaya Ki Ek Tarfa Elaan Zahir hai Ki Kuch Mufeed Nahi Ho Sakta Magar Ab Tumhare Pas Iske Siwa Aur Koi Rasta Bhi Nahi hai, Abu Sufyan Waha se Masjide Nabawi Sharif me Aaya Aur Buland Aawaz Se Masjid me Elaan Kar Diya ke

*Mene Muahida-E-Hudebiya ki Tajdid Kar Di* Magar Musalmano me se Kisi ne Jawab Nahi Diya..

🌈Abu Sufyan Ye Elaan Karke Makkah Rawana Ho Gaya Jab Makkah Wapas Pahucha To Quraish ne Pucha Ki Madina me Kya huwa ? Abu Sufyan Ne Sari Dastaan Bayan Kar Di To Quraish Ne Sawal Kiya Ki Jab Tumne Apni Taraf se Muahida-E-Hudebiya Ki Tajdid Ka Elaan kiya To Kya Muhammad (ﷺ) Ne Isko Qabool Kar Liya Abu Sufyan Ne Kaha ki *Nahi*, Ye Sunkar Quraish Ne Kaha ki Ye To Kuch bhi Nahi Huwa Ye Naa to Sulah Hai ki Hum Itminan Se Bethe Na Yeh Jung hai ki Ladayi Ka Samna Kiya jaye...

📗(Zurqani, Jild-02, Safa- 292, 293)

🌉Iske Bad Huzur ﷺ Ne Logo ko Jung Ki Taiyari Ka Huqm De diya Aur Hazrate Bibi Ayesha رضي الله تعالى عنها Se Bhi Farma Diya Ki Jung Ke Hathiyar Durust Kar Le Aur Apne Haleef Qabeele Ko Bhi Jung Ki Taiyari Ke Liye Huqm Naama Bhej Diya Magar Kisi Ko Huzur ﷺ Ne Yeh Nahi Bataya ki Kisse Jung ka Irada hai Yaha Tak ki Aapne Hazrate Abu Bakr Siddiq رضی الله عنہ Se bhi Aapne Kuch Nahi Farmaya...

🌈Hazrate Abu Bakr Siddiq رضی الله عنہ Hazrate Bibi Ayesha رضي الله تعالى عنها Ke Pas Aaye Aur Dekha ki Jungi Hathiyaro Ko Nikal Rahi hai, To Aapne Daryaft Kiya ke Kya Huzur ﷺ Ne Huqm Diya hai ?? Arz Kiya ke *Jee Haan* Fir Aapne Pucha Ki Kya Tumhe Kuch Maloom hai Ki Kaha Ka Irada Hai Hazrate Bibi Ayesha رضي الله تعالى عنها Ne Kaha Ki *WALLAH MUJE YEH MALOOM NAHI*

📗(Zurqani, Jild-02, Safa-291)

🌉Garaz Intehayi Khamoshi Aur Gazdari Ke Sath Huzur ﷺ Ne Jung Ki Taiyari Farmayi, Aur Maksad Ye Tha ki Ahle Makkah Ko Khabar Naa Hone Paye Aur Achanak Unpar Hamla Kar Diya Jaye....

🏔HAZRATE HATIB BIN ABI BALT'AA KA KHAT...*

🌈Hazrate Hatib Bin Abi Balt'aa رضی الله عنہ Ek Muazzaz Sahabi Tha, Unhone Quraish Ko Ek Khat Is Mazmoon Ka Likh Diya Ki Rasoolallah Huzur ﷺ Jung ki Taiyari Kar Rahe hai Lihaza Tum Log Hoshyar Ho Jao Aur Us Khat Ko Unhone Ek Aurat Ke Zariye Makkah Bheja...

🌉Allah Taa'la Ne Apne Habib Huzur ﷺ Ko Ilme Gaib Ata Farmaya Tha Huzur ﷺ Ko Pata Chal Gaya To Hazrate Ali, Hazrate Zubair, Hazrate Mikdad رضي الله عنهم Ko Fouran Hi Rawana Kar Diya Ki Tum Log *Roza-E-Khaak* Me Chale Jao Aur Waha Ek Aurat Hai Uske Pas Ek Khat Hai Usse Woh Khat Chinkar Mere Pas Lao...

🌈Chunache Ye Teeno Ashabe Qibar Tez Raftar Ghodo Par Sawar Hokar *Roza-E-Khaak* Me Pahuche Aur Aurat ko Paa Liya Jab Usse Khat Talab Kiya Gaya To Usne Kaha ki Mere Pas Koi Khat Nahi hai, Hazrate Ali رضی الله عنہ Ne Farmaya Ki Khuda ki Kasam Rasoolallah ﷺ Kabhi Koi Joothi Bat Nahi Keh Sakte, Na Hum Joothe Hai Lihaza Tu Khat Nikalkar Hume De de Warna Hum Tujhe Nanga Karke Teri Talashi Lenge...

🌉Jab Aurat Majboor Ho Gayi To Usne Apne Baalo Ke Jhoode Se Woh Khat Nikalkar De diya Jab Ye Log Khat Lekar Bargahe Risalat Me Pahuche To Aapne Hazrate Hatib Bin Abi Balt'aa رضی الله عنہ Ko Bulaya Aur Farmaya Aye Hatib Yeh Tumne Kya Kiya ?? Unhone Arz Kiya Ya Rasoolallah ﷺ Aap Mere Bare me Jaldi Na Farmaye Na Mene Apna Deen Badla hai Naa Murtad Huwa hu..

🌈Magar Makkah me Mera Koi Rishtedar Nahi Jo Meri Biwi Baccho ki Khabar Giri W Gihdasht Kare Mere Siwa Dusre Tamam Muhajirin Ke Azeez-O-Aqarib Makkah me Mojud hai Jo Unke Ahlo Ayal ki Dekhbhal Karte Rahe Isliye Mene Ye Khat Likhkar Quraish Par Ek Ehsaan Rakh Diya Taki Me Unki Humdardi Hasil Karu Aur Woh Mere Ahlo Ayal Ke Sath Koi Bura Sulook Na Kare...

🌉Ya Rasoolallah ﷺ ! Mera Imaan hai Ki Allah Taa'la Zaroor Un Kafiro ko Shiqasht Dega Aur Mere In Khat se Kuffar Ko Hargiz-Hargiz Koi Fayda Hasil Na Hoga....

🌈Huzur ﷺ Ne Hazrate Hatib رضی الله عنہ Ke Is Bayan Ko Sunkar Unke Uzr ko Qabool Farma Liya Magar Hazrate Umar رضی الله عنہ Us Khat ko Dekhkar Taish Me Aa gaye Ki Aahpe Se Bahar ho Gaye Aur Arz Kiya Ya Rasoolallah ﷺ ! Ijazat Dijiye Me Is Munafik ki Gardan Uda Du, Dusre Sahaba-E-Kiram bhi Gaiz-O-Gazab Me Aa Gaye..

🌉Lekin Rehmate Do Aalam ﷺ Ke Jabine Rehmat Par Ek Zara Bhi Shikan Na Aayi Aur Aapne Hazrate Umar رضی الله عنہ Se Irshad Farmaya Ki Aye Umar ! Kya Tumhe Khabar Nahi Ki Hatib Ahle Badr Me se hai Aur Allah Taa'la ne Ahle Badr ko Mukhatab Karke Farmaya Hai ki *Tum Jo Chahe Karo Tumse Koi Muwakhaza Nahi* Ye Bat Sunkar Hazrate Umar رضی الله عنہ Ki Aankhe Numm Ho Gayi Aur Woh Ye Kehkar Bilkul Khamosh Ho Gaye Ki *ALLAH AUR USKE RASOOL KO SABSE ZYADA ILM HAI* Isi Mouke Par Qur'an Ki Yeh Ayat Nazil Huyi...

*🏟AYE IMAAN WALO MERE AUR APNE DUSHMAN KAFIRO KO DOST MAT BANAO..*

📓(SUREH MUMTAHINA)

🌈Bahar Haal Huzur ﷺ Ne Hazrate Hatib Bin Abi Batl'aa رضی الله عنہ Ko Muaf Farma Diya...

📗(BUKHARI, JILD-02, SAFA-612, GAZWATUL FATEH)

🏔MAKKAH PAR HAMLA...*

🌈Garaz Ke 10 Ramzan Sann 8 Hijri Ko Rasoole Kareem ﷺ Madina Se 10,000 Ka Lashkar Pur-Anwaar Sath Lekar Makkah Ki Taraf Rawana Ho Gaye...

🌉Ba'az Riwayato Me Hai Ki Fateh Makkah Me Apke Sath 12,000 Ka Lashkar Tha, In Dono Riwayato Ne Taa'ruj Nahi Ho Sakta Ki Madina Se Rawangi ke Waqt 10,000 Ka Lashkar Ho To Fir Raste Me Kuch Qabeele Is Lashkar Me Shamil Ho Gaye ho To Madina Se Chalte Waqt Huzur ﷺ Aur Tamam Sahaba-E-Qibar Rozadar The...

🌈Jab Aap *Muqam-E-Qadeed* Me Pahuche To Pani Manga Aur Apni Sawari Par Bethtte Huwe Pure Lashkar Ko Dikhakar Aapne Din me Pani Nosh Farmaya Aur Sabko Roza Chor Dene ka Huqm Diya..

🌉Chunache Aap Aur Apke Sahaba Se Safar Aur Jihad Me Hone ki Wajah se Roza Moquf Kar Diya..

*📗(BUKHARI, JILD-02, SAFA-613)*

*📗(ZURQANI, JILD-02, SAFA-300)*

*📗(SEERAT-E-IBNE HISHAM, JILD-02, SAFA-400)*

⛰HAZRATE ABBAS WAGERAH SE MULAKAT...*

🌈Jab Huzur ﷺ *Huzfa* Me Pahuche To Waha Huzur ﷺ Ke Chacha Hazrate Abbas رضی الله عنہ Apne Ahlo-Ayal Ke Sath Khidmate Aqdas Me Hazir Huwe Yeh Musalman Hokar Aaye The Balki Aap Junge Badr ke Bad Hi Musalman Ho Chuke the Aur Huzur ﷺ Ki Marzi Se Makkah me Muqeem The ..

🌉Aur Hujjaz Ko Zam-Zam Pilane Ke Mua'zzaz Ohde Par Fayiz The Aur Apke Sath me Huzur ﷺ Ke Chacha Haris Bin Abdul Muttalib Ke Farzand Jinka Naam Bhi Abu Sufyan Tha Aur Huzur ﷺ Ke Fufizaad Bhai Abdullah Bin Abi Umaiyya Jo Ummul Momineen Hazrate Bibi Salma رضي الله تعالى عنها Ke Soutele Bhai Bhi The Bargahe Aqdas me Hazir Huwe..

🌈Un Dono Sahibo Ki Hazri Ka Haal Jab Huzur ﷺ Ko Maloom Huwa To Aapne Un Dono Ki Mulakat se Inkar Farma Diya Kyunki Un Dono Ne Huzur ﷺ Ko Bhot Zyada Taklife Pahuchayi Thi Khususan Abu Sufyan Bin Haris Apke Chachazad Bhai Jo Elaan-E-Nabuwwat Se Pehle Apke Intehayi Ja'nisar Me se The Magar Elaan-E-Nabuwwat Ke Bad Unhone Apne Qasido Me Itni Sharmnaak Aur Behuda Burayi Huzur ﷺ Ki Kar Dali thi ki Apka Dil Zakhmi Ho Gaya tha Isi Kiye Aap ﷺ Un Dono Se Intehayi Naraz-W-Bezar The...

🌉Magar Hazrate Bibi Salma رضي الله تعالى عنها Ne Un Dono Ka Kasoor Muaf Karne ke liye Bahut hi Purjosh Shifarish Ki Aur Abu Sufyan Bin Haris Ne Ye Keh Diya ki Agar Rasoolallah ! ﷺ Ne Mera Kasoor Muaf Na Farmaya To Me Apne Chote-Chote Baccho ko Lekar Arab Ke Registaan Me Chala Jaunga Taki Waha Bager Dana Pani Ke Bhook-Pyaas Se Tadap-Tadap Kar Me Aur Mere Bacche Markar Fanaah Ho Jaye...

🌈Hazrate Bibi Salma رضي الله تعالى عنها Ne Bargahe Risalat Aab'dida Hokar Arz Kiya Ya Rasoolallah ﷺ Kya Apke Chacha Ka Beta Aur Apki Fufi Ka Beta Tamam Insano Se Zyada Bad'naseeb Rahega ?? Kya Un Dono Ko Apki Rehmat Se Koi Hissa Nahi Milega ?? Jaan Chidakne Wali Biwi Ne in Dard Karam Aur Afwo-Darguzar Ke Samundar Mouje Marne Lagi....

🌈Hazrate Ali رضی الله عنہ Ne Un Dono Ko Ye Mashwara Diya Ki Tum Dono Achanak Bargahe Risalat Me Samne Jakar Khade ho Jao Aur Jis Trah Hazrate Yusuf Aleyhissalam Ke Bhaiyo ne Kaha Tha Wahi Tum Dono bhi Kaho...

*🏟YAKEENAN APKO ALLAH TAA'LA NE HUM PAR FAZILAT DI HAI, AUR HUM BILA SHUBHA KHATAWAR HAI...*

📓(SUREH YUSUF)

🌉Chunache Un Dono Sahibo ne Darbare Risalat me Nagha Hazir Hokar Yahi Kaha Ekdum Rehmate Do Aalam ﷺ Ki Jabine Rehmat Par Rehmo-Karam Ke Hazaro Sitare Chamakne Lage, Aur Aapne Unke Jawab Me *Bi'aynihi* Wahi Jhumla Apni Zuban Se Irshad Farmaya Jo Hazrate Yusuf Aleyhissalam Ne Apne Bhaiyo Ke Jawab Me Farmaya tha..

*🏟TUMSE KOI MUKHEZA NAHI HAI ALLAH TUMHE BAKSH DE WOH ARHAMURR RAHIMIN HAI...*

📓(SUREH YUSUF)

🌈Jab Kasoor Muaf Ho Gaya to Abu Sufyan Bin Haris رضی الله عنہ Ne Tajdare Do Aalam ﷺ Ki Middah me Ash'aar Likhe Aur Zamana-E-Jahiliyat Ke Dour me Jo Kuch Aapki Hijro Me Likha tha Uski Ma'zirat Ki Aur Uske Bad Umr Bhar Nihayat Sacche Aur Sabit Qadam Musalman Rahe, Magar Haya Ki Wajah Se Rasoolallah ﷺ Ke Samne Kabhi Ser Nahi Uthate the Zyada Muhabbat Rakhte the Aur Farmaya Karte The Ki Muje Ummid hai Ki Abu Sufyan Bin Haris Mere Chacha Hazrat 

Hamza رضی الله عنہ Ke Qaeem-Muqam Sabit Honge...

*📗(Zurqani, Jild-02, Safa-301,302)*

*📗(Seerat-E-Ibne Hisham, Jild-02, Safa-400)*

*⛰MEELO TAK AAG HI AAG..*

🌉Makkah Se Ek Manzil Ke Fasle Par *Marujjharaan* Me Pahuchkar Islami Lashkar ne Padaw Daala Aur Huzur ﷺ Ne Fouz Ko Huqm Diya ki Har Mujahid Apna Alag-Alag Chulha Jalaye, 10,000 Mujahiddin Ne Jo Alag-Alag Chulhe Jalaye to *Marujjharan* Ke Pure Medaan Me Meelo Tak Aag Hi Aag Nazar Aane Lagi....

⛰QURAISH KE JASOOS....*

🌈Quraish Ko Maloom Ho Hi Chuka tha ki Madina Se Fouze Aa Rahi hai Magar Soorate Haal Ki Hakikat Ke Liye Quraish ne Abu Sufyan Bin Harab, Haqim Bin Hijam W Bundel Bin Warqa Ko Apna Jasoos Banakar Bheja...

🌉Hazrate Abbas Behad Fikrmand Hokar Quraish ke Anjaam Par Afosos Kar Rahe the Woh Ye Sochte the ki Agar Rasoolallah ﷺ Itne Azeem Lashkar Ke Sath Makkah Me Faatihana Dakhil Huwe To Aaj Quraish Ka Khatm Ho Jaega...

🌈Chunache Woh Raat Ke Waqt Rasoolallah ﷺ Ke Safed Khacchar Par Sawar Hokar Is Irade Se Makkah Chale ke Quraish Ko Is Khatre Se Aagah Kar De Ke Unhe aamada Kare Ki Chalkar Rasoolallah ﷺ Se Muafi Mangakar Sulah Kar Le Warna Tumhari Khair Nahi...

*📗(ZURQANI, JILD-02, SAFA-304)*

🌉Magar Bukhari Ki Riwayat hai Ke Quraish Ko Ye Khabar Mil Gayi Ki Rasoolallah ﷺ Madina Se Rawana Ho Gaye hai Magar Unhe Ye Pata Nahi Tha Ki Aapka Lashkar *Marujajharan* Tak Aa Gaya hai Isliye Abu Sufyan Bin Harab Aur Haqim Bin Hijam Aur Bundel Warqa Is Talash-W-Justaju Me Nikle The Ki Rasoolallah ﷺ Ka Lashkar Kaha hai ??

🌈Jab Ye Teeno *Marujajharan* Ke Qareeb Pahuche To Dekha ki Meelo Tak Aag hi Aag Jal Rahi Hai Ye Manzar Dekhkar Ye Teeno Hairan Reh Gaye Aur Abu Sufyan Ne Kaha ki Mene to Zindagi me Kabhi Itni Door tak Fayli Huyi Aag Is Medan me Jalte Huwe Nahi Dekhi Aakhir Ye Konsa Qabeela hai ??

🌉Bundel Bin Warqa ne Kaha ki Bani Khuza'aa Maloom Hota hai Abu Sufyan Ne Kaha Ki Nahi Bani Khuz'aa Itni Kaseer Ta'dat Me Kaha hai Jo Unki Aag Se *Marujajharan* Ka Pura Medaan Bhar Jaye...

*📗(BUKHARI, JILD-02, SAFA-613)*

🌈Baharhaal Hazrate Abbas رضی الله عنہ Ki In Teeno Se Mulakat Ho Gayi Aur Abu Sufyan Ne Pucha Ki Aye Abbas ! Tum Kaha se Aa Rahe ho ?? Aur Ye Aag Kesi hai ?? Aapne Farmaya Ki Ye Rasoolallah ﷺ Ke Lashkar Ki Aag hai..

🌉Hazrate Abbas رضی الله عنہ Ne Abu Sufyan Se Kaha ki Tum Mere Khacchar Par Piche Sawar Ho Jao Agar Musalmano ne Tumhe Dekh Liya To Abhi Tumko Qatl Kar Denge Jab Ye Log Lashkar Gaah me Pahuche To Hazrate Umar رضی الله عنہ Aur Dusre Kuch Musalman Pehra De Rahe the Abu Sufyan Ko Dekh Liya..

🌈Hazrate Umar رضی الله عنہ Apne Jazba-E-Inteqam Ko Zabt Na Kar Sake Aur Abu Sufyan Ko Dekhte hi Unki Zaban Se Nikla ki *ARE YEH TO KHUDA KA DUSHMAN ABU SUFYAN HAI* Doudte Huwe Bargahe Risalat Me Pahuche Aur Arz Kiya..

🌉Ya Rasoolallah ! ﷺ Abu Sufyan Hath Aa Gaya hai Agar Ijazat Ho to Abhi Uska Ser Uda du, Itne me Hazrate Abbas رضی الله عنہ Bhi Un Teeno Mushriko ko Sath-Sath Liye Huwe Darbare Rasool ﷺ Me Hazir ho Gaye Aur Un Logo ki Jan-Bazi ki Shifarish Pesh kar Di Aur Ye Kaha ki Ya Rasoolallah ﷺ Mene In Sabhi ko Amaan De di hai....

⛰FATEH MAKKAH AUR ABU SUFYAN KA ISLAM....*

🌈Abu Sufyan Bin Harab Ki Islam Ki Dushmanawat Koi Dhaki Chupi Nahi thi, Makkah Me Rasoole Kareem ﷺ Ko Sakht Se Sakht Izaye Deni, Madina Par Bar-Bar Hamla Karna, Qabeela-E-Arab Ki Ishte'aal Dilakar Huzur ﷺ Ke Qatl Ki Barha Sazishe, Yahoodiyo Aur Tamam Kuffare Arab Se Saaz-Baaz Karke Islam Aur Baani-E-Islam Ke Khatme ki Koshishe...

🌉Ye Wahi Na'qabeele Muaf Log The Jo Pukar-Pukar Kar Keh Rahe the Ki Abu Sufyan Ka Qatl Bilkul Durrust W Jaiz Aur Bar'Mahal hai, Lekin Rasoole Kareem ﷺ Jinko Qur'an Ne *RAUF-O-RAHEEM* Ke Laqab Se Yaad Kiya hai Unki Rehmat Pukar-Pukarkar Abu Sufyan Ke Kaan me Keh Rahi Thi Aye Mujrim ! Mat Darr Ye Duniya Ke Salatin Ka Darbar Nahi Hai Balki Rehmatullilaalamin Ki Bargahe Rehmat hai Bukhari Sharif ki Riwayat to Yahi hai Ki Abu Sufyan Bargahe Aqdas me Hazir Huwe To Fouran Hi Islam Qabool Kar Liya Isi liye Jaan Bach Gayi...

*📗(Bukhari, Jild-02, Safa-613)*

🌈Magar Ek Riwayat Ye bhi hai Ki Haqim Bin Hijam Aur Bundel Bin Warqa Ne to Fouran Hi Islam Qabool Kar Liya Magar Abu Sufyan Ne Subha Kalma Padha...

*📗(Zurqani, Jild-02, Safa-304)*

🌉Aur Ba'az Riwayato Me Ye bhi Aaya hai Ke Abu Sufyan Huzur ﷺ Ke Darmiyan Ek Muqalma Huwa Uske Bad Abu Sufyan Ne Apne Islaam Ka Elaan Kiya Woh Muqalma Ye hai..

*🏟RASOOLALLAH ﷺ :-⤵*

🌈Kyo Aye Abu Sufyan ! Kya Ab Bhi Tumhe Yakeen Na Aaya Ke Khuda Ek Hai ??

🏟ABU SUFYAN :-⤵

🌉Kyo Nahi ! Koi Aur Khuda Hota to Aaj Humare Kaam Aata Magar Fir Iske Bad Unhone Kalma Padh Liya Aur Us Waqt Wo Unka Imaan Mutazal'zal Tha Lekin Bad Me Bil'Aakhir Wo Sacche Musalman Ban Gaye Chunache Gazwa-E-Tayif Me Musalmano Ki Fouz Me Shamil Hokar Unhone Kuffar se Jung Ki Aur Isi Me Unki Ek Aankh Zakhmi Go Gayi Fir Jung-E-Yarmuk Me bhi Jihad Ke Liye Gaye...

*📗(Seerat-E-Ibne Hisham, Jild-02, Safa-403)*

⛰FATEH MAKKAH AUR LASHKARE ISLAAM KA JAAH-O-JALAL....*

🌈Mujahiddin-E-Islam Ka Lashkar Jab Makkah Ki Taraf Aage Badha To Huzur ﷺ Ne Hazrate Abbas رضی الله عنہ Se Farmaya Ki Aap Abu Sufyan Ko Kisi Ese Maqaam Par Khada Kar De Ke Ye Afwaze Ilahi Ka Zalal Apni Aankho Se Dekh Le Chunache Jaha Rasta Kuch Tang Tha..

🌉Ek Buland Jagah Par Hazrate Abbas رضی الله عنہ  Ne Abu Sufyan Ko Khada Kar Diya, Thodi Der ke Bad Islami Samundar Moujo Ki Tarah Umadta Huwa Rawana Huwa Aur Qabeela-E-Arab Ki Fouje Hathiyar Se Sajh-Dhaj Kar Yake Bad Digare Abu Sufyan Ke Samne Se Guzarne Lagi...

🌈Sabse Pehle Qabeela-E-Giraf Ka Baawkar Parcham Nazar Aaya, Abu Sufyan Ne Kaha Ki Muje Qabeela-E-Giraf se Kya Matlab ?? Fir Zuhaina,Fir Sa'ad Bin Huzaim, Fir Sulaim Ke Qabeele Ki Fouze Zark-Bark Hathiyaro Me Doobe Huwe Parcham Lehrate Huwe Aur Takbir ke Na're Marte Huwe Samne Se Nikal Gaye..

🌉Abu Sufyan Har Fouz ka Jalal Dekhkar Puchte Jate the Ki Yeh Koun hai ?? Ye Kin Logo Ka Lashkar hai Iske Bad Ansaar Ka Lashkare Pur-Anwar Itni Ajeeb Shaan Aur Esi Nirali Aan-Baan Se Chala Ki Dekhne Walo Ke Dil Dehal Gaye Abu Sufyan Ne Is Fouz Ki Shaan-O-Shoqat se Hairan Hokar Kaha ki Aye Abbas ! Ye Koun Log hai ? AAPNE Farmaya ki Yeh Ansaar hai..

🌈Nagha Ansar ke Alam-Bardar Hazrate Sa'ad Bin Ubada رضی الله عنہ Jhanda Liye Huwe Abu Sufyan Ke Qareeb Se Guzre Aur Jab Abu Sufyan Ko Dekha to Buland Aawaz Se Kaha ki Aye Abu Sufyan !

*🏟AAJ GHAMASAN KI JUNG KA DIL HAI, AAJ QA'BA ME KHOON'REZI HALAL KAR DI JAEGI....*

🌈Abu Sufyan Hazrate Sa'ad Bin Ubada رضی الله عنہ  Ki Yeh Bat Sunkar Gabhra Gaye Aur Hazrate Abbas رضی الله عنہ Se Kaha ki Aye Abbas ! Sunlo Aaj Quraish Ki Halakt Tumhe Mubarak Ho Fir Abu Sufyan Ko Chain Nahi Aaya To Pucha ki Bahut Der ho Gayi Mene Huzur Muhammad ﷺ Ko Nahi Dekha Ki Woh Konse Lashkar me hai ??

🌉Itne Me Huzur ﷺ Parchame Nabuwwat Ke Saye me Apne Noorani Lashkar Ke Hamrah Paigambarana Jaah-O-Jalal Ke Sath Namoodar Huwe Abu Sufyan ne Jab Sehanshaahe Qounen ﷺ Ko Dekha to Chillakar Kaha Ki Aye Huzur ! ﷺ Kya Aapne Suna ? Ki Sa'ad Bin Ubada Kya Kehte Huwe Gaye ?? Irshad Famaya ki Unhone kya kaha ??

🌈Abu Sufyan Bole ki Unhone Ye Kaha ki Aaj Qa'ba Halal Kar Diya Jaega, Huzur ﷺ Ne Irshad Farmaya Ki Sa'ad Bin Ubada ne Galat Baat Kahi Aaj to Qa'ba ki Azmat ka Din hai Aaj To Qa'ba ko Libas Pehnane Ka Din hai Aur Huzur ﷺ Ne Farmaya ki Sa'ad Bin Ubada رضی الله عنہ Ne Itni Galat Baat kyo keh Di ? Apne Unke Hath se Jhanda Lekar Unke Bete Qais Bin Sa'ad رضی الله عنہ Ke Hath me De diya...

🌉Aur Ek Riwayat me Hai Ki Abu Sufyan ne Bargahe Rasool ﷺ Me Ye Shikayat Ki Ke Ya Rasoolallah ﷺ ! Abhi-Abhi Sa'ad Bin Ubada Ye Kehte Huwe Gaye ki *AAJ GHAMASAN KI LADAYI KA DIN HAI* To Huzur ﷺ Ne Khafa Hone ka Izhar kiya Aur Irshad Farmaya ki Sa'ad Bin Ubada Ne Galat Kaha Balki Aye Abu Sufyan !

*🏟अल-यौमा यौमूल मर-हमह*

(Aaj Ka Din To Rehmat ka Din hai)

*📗(ZURQANI, JILD-02, SAFA-306)*

🌈Fir Fatihana Shaan-O-Shokat Ke Sath Baani-E-Qaba Ke Ja'nashin Huzur ﷺ Ne Makkah Ki Ser'zameen Me Nuzule Ijlal Farmaya Aur Huqm Diya ki Mera Jhanda *Maqam-E-Hazoon* Ke Pas Ghada Jaye, Aur Hazrate Khalid Bin Waleed رضی الله عنہ Ke Naam Farman Jari kiya Ki Woh Foujo Ke Sath Makkah Ke Balayi Hisse Ya'ni *Kudda* Ki Taraf Se Makkah me Dakhil ho..

*📗(BUKHARI, JILD-02, SAFA-613)*

*📗(ZURQANI, JILD-02, SAFA-304 SE 306)*

⛰FATEH MAKKAH KA PEHLA FARMAN...*

🌈Tajdare Do Aalam Huzur ﷺ Ne Makkah ki Ser'Zameen Me Kadam Rakhte Hi Jo Pehla Farman Jari Kiya Woh Ye Elaan Tha ki Jiske Lafz-Lafz Me Rehmato Ka Dariya Mouje Maar Rahe Hai Aapne 3 Farman Jari kiye..

*🏟JO SAKSH HATHIYAR DAAL DEGA USKE LIYE AMAAN HAI...*

*🏟JO SAKSH APNA DARWAZA BAND KAR LEGA USKE LIYE AMAAN HAI...*

*🏟JO QA'BA ME DAKHIL HO JAEGA USKE LIYE AMAAN HAI...*

🌉Is Mouke Par Hazrate Abbas رضی الله عنہ Ne Arz Kiya ki Ya Rasoolallah ﷺ ! Abu Sufyan Ek Fakhr Pasand Aadmi hai Uske Liye Koi Esi Imtiyazi Bat Farma Dijiye...

*🏟HUZUR ﷺ NE FARMAYA ! JO ABU SUFYAN KE GHAR ME DAKHIL HO JAYE USKE LIYE AMAAN HAI...*

🌈Iske Bad Abu Sufyan Makkah Me Buland Aawaz Se Dakhil Huwa Aur Pukar-Pukar kar Elaan Karne Laga ki Aye Quraish ! Muhammad ﷺ Itna Bada Lashkar Lekar Aa Gaye hai ki Iska Mukabla Karne Ki Kisi me Taqat Nahi Jo Abu Sufyan Ke Ghar me Dakhil ho Jaye Uske liye Amaan hai, Abu Sufyan ki Zuban Se Ye Kum'himmati Ki Bat Sunkar Uski Biwi Hinda Binte Utba Jal-Bhunkar Kabab Ho Gayi Aur Josh Me aa gayi...

🌉Aur Abu Sufyan ki Munch Pakad li Chillakar Kehne Lagi Ki Aye Bani Kinana ! Is Kambakht ko Qatl Kar Do Ye Kesi Buzdili Wali Bate Kar raha hai Hind ki Isi Cheekh-O-Pukar Ki Bate Sunkar Tamam Bani Kinana Ka Khandan Abu Sufyan Ke Aangan me Jama Ho Gaya Unko Abu Sufyan ne Saaf-Saaf Keh Diya Ki Is Waqt Gusse Aur Bato se Kuch Kaam Nahi Hone Wala Me Islami Lashkar ko Dekhkar Aaya hu...

🌈Aur Me Tum Logo ko Yakeen Dilata hu Ki Ab Hum Muhammad ﷺ Ka Mukabla Nahi Kar Sakte Ye Khairiyat Hai ki Unhone Elaan Kar Diya hai Ki Jo Abu Sufyan Ke Ghar me Chala Jaye Uske Liye Amaan hai, Lihaza Zyada Se Zyada Log Mere Makan Me Aakar Panah Le lo, Abu Sufyan Se Khandan Walo Ne Kaha Ki Tere Makan Me Bhala Kitne Insan Aa Sakenge...

🌉Unhe Abu Sufyan Ne Bataya ki Muhammad ﷺ Ne Un Logo ko Bhi Amaan De di hai Jo Apne Darwaze Band Kar Le, Ya Masjide Haram me Dakhil Ho Jaye Ya Fir Hathiyar Daal de, Abu Sufyan Ka Ye Bayan Sunkar Koi Abu Sufyan ke Makan Me Chala Gaya Koi Masjide Haram ki Taraf Bhaga Koi Apne Hathiyar Zameen Par Dalkar Wahi Khada ho Gaya...

*📗(Zurqani, Jild-02, Safa-313)*

🌈Huzur ﷺ Ke Is Elaan-E-Rehmat Nishan Yani Mukammal Aman-O-Amaan Ka Farman Jari Kar Dene ke Bad Ek Qatra Khoon Behne ka Koi Imkaan Nahi Tha Lekin Ikrama Bin Abu Jahal Aur Safwan Bin Umaiyya-W-Suhail Bin Amr W Jishan Bin Qais ne *Makam-E-Khandama* Me Mukhtalif Qabeele Ke Afrad ko Jama kiya Tha...

🌉Un Logo ne Hazrate Khalid Bin Waleed رضی الله عنہ Ki Fouz Se Do Aadmi Hazrate Qurb Bin Jabir Fahri Aur Hubaish Bin Ash'ari رضي الله عتهما Ko Saheed Kar Diya Aur Islami Lashkar Par Teer Barsana Shuru Kar Diya...

🌈Bukhari ki Riwayat me Inhi Do Hazraat Ki Sahadat ka Zikr hai Magar Zurqani Wagera Qitabo se Pata Chalta hai Ki 3 Sahaba-E-Kiram Ko Kuffare Quraish ne Qatl Kar Diya tha Jo Pehle Zikr Huwe Wo Aur Ek Hazrate Salma Binul Meena رضی الله عنہ Aur 12 ya 13 Kuffar bhi Maare Gaye Baki Sab Chorkar Bhaag Nikle..

*📗(Bukhari, Jild-02, Safa-613)*

*📗(Zurqani, Jild-02, Safa-310)*

🌉Huzur ﷺ Ne Jab Dekha ke Talware Chamak Rahi Hai To Aapne Daryaft kiya Ki Mene Khalid Bin Waleed Ko Jung Karne se Mana Kar Diya Tha Fir Ye Talware Kesi Chal Rahi hai, Logo ne Arz Kiya Ki Pehel Kuffar Ki Taraf se Huyi Isliye Khalid Bin Waleed ki Fouz ke pas Ladne ke Alawa Aur Koi Charah Nahi Reh Gaya tha, Ye Sunkar Huzur ﷺ Ne Irshad Farmaya Ki *Raza-E-Ilahi Yahi Thi* Aur Khuda Ne Jo Chaha Wahi Behtar hai...

*📗(Zurqani, Jild-02, Safa-311)*

⛰TAJDAR-E-DO AALAM HUZUR ﷺ KA MAKKAH ME DAKHILA...*

🌈Huzur ﷺ Jab Fatihana Haisiyat Se Makkah Me Dakhil Hone Lage To Aap Apni Ountni *KUSWA* Par Sawar The Siyah(Black) Rang Ka Amama Bandhe Huwe The Aur Bukhari Me Hai Ke Apke Ser Par *Magfar* Tha..

🌉Apke Ek Janib Hazrate Abu Bakr Siddiq رضی الله عنہ Aur Dusri Taraf Usaid Bin Huzair رضی الله عنہ The Aur Apke Charo Taraf Josh Se Bhara Huwa Lashkar Tha Jiske Darmiyan Qoukab-E-Nabawi Tha..

🌈Is Shaan-O-Shoqat Ko Dekhkar Abu Sufyan Ne Hazrate Abbas رضی الله عنہ  Se Kaha ki *Aye Abbas Tumhara Bhatija to Badshah Ho Gaya Hai, Hazrate Abbas رضی الله عنہ Ne Jawab Diya ki Tera Bura Ho Aye Abu Sufyan ! Ye Badshahat Nahi Balke Nabuwwat Hai....*

🌉Is Shahana Juloos Ke Jaah-O-Jalal Ke Ba'wajood Sehanshahe Risalat Ki Shaane Tawajo Ka Yeh Aalam Tha Ki Aap *Sureh Fatah* Ki Tialawat Farmate Huwe Is Tarah Ser Jhukaye Huwe Ountni Par Bethe the Ki Aapka Ser Ountni Ke Palan Se Lag Jata tha...

🌈Aapki Kefiyate Tawajo Allah Taa'la Ka Shukr Ada Karne Aur Uski Bargahe Azmat Me Apne Izzo-Niyazmandi Ka Izhar Karne Ke Liye thi...

⛰MAKKAH ME HUZUR ﷺ KI QAYAM GAAH...*

🌈Bukhari Ki Riwayat Hai Ki Huzur ﷺ Fateh Makkah Ke Din Hazrate Ali رضی الله عنہ Ki Bahen Hazrat Umme Binte Abu Talib Ke Makan Par Tashrif Le Gaye Aur Waha Gusl Farmaya, Fir 8 Raq'at Namaze Chasht Padhi Woh Namaz Bahut hi Mukhtasar Tor par Ada Farmayi Lekin Ru'qu W Sajde Mukammal Tor Par Ada Farmate Rahe..

*📗(Bukhari, Jild-02, Safa-615, Baab Manzilin Nabi Youmal Fateh)*

🌉Ek Riwayat me Ye bhi Milta hai ki Aapne Hazrate Umme Haani رضي الله تعالى عنها Se Farmaya Ki Ghar me Kuch Khana hai ?? Unhone Arz Kiya Ki Ya Rasoolallah ﷺ Sukhi Roti Ke Kuch Tukde hai Aur Muje Badi Sharm Mehsoos Ho Rahi hai ki Use Aapke Samne Pesh Karu...

🌈Irshad Farmaya ki *Lawo* Fir Apne Daste Mubarak Se Un Sukhi Rotiyo ko Toda Aur Pani Me Bhigokar Narm Kiya Aur Hazrate Umme Haani رضي الله تعالى عنها Ne Un Rotiyo ke Salan ke Liye Namak Pesh Kiya To Aapne Farmaya ki Koi Salan Ghar me Nahi hai ?? Unhone Arz Kiya Ki Mere Ghar me *Sirka* Ke Siwa Kuch Nahi hai...

🌉Aapne Irshad Farmaya Ki *Sirqa* Lawo Aapne Sirqa ko Roti Par Dala Aur Khakar Allah Ka Shukr Ada Kiya Fir Farmaya ki *Sirqa Behtarin Salan hai Aur Jis Ghar me Sirqa Hoga Us Ghar Wale Mohtaj Na Honge..*

🌈Fir Hazrate Umme Haani رضي الله تعالى عها Ne Arz Kiya ki Ya Rasoolallah ﷺ ! Mene Harish Bin Hisham(Abu Jahal ka Bhai) Aur Juhair Bin Umaiyya ko Amaan De di, Lekin Mere Bhai Hazrate Ali Un Dono ko Is Zurm Me Qatl Karna Chahte hai Ki Un Dono Ne Hazrate Khalid Bin Waleed رضی الله عنہ Fouj Se Jung Ki hai...

🌉Huzur ﷺ Ne Farmaya ki Aye Umme Haani ! Jisko Tumne Amaan Di Usko Humari Taraf se bhi Amaan hai..

*📗(Zurqani, Jild-02, Safa-326)*

*💟BAITULLAH SHARIF ME DAKHILA...*

❤Huzur ﷺ Ka Jhanda *Hazoor* Me Jisko Aajkal Jannat-Ul-Mualla Kehte hai, *Masjid-Ul-Fatah* Ke Qareeb Ghada Gaya Fir Apni Ountni Par Sawar Hokar Aur Hazrate Usama Bin Zaid ko Ountni Par Apne Piche Bithakar Masjide Haram Ki Taraf Rawana Huwe Aur Hazrate Bilal رضی الله عنہ Aur Qa'ba Ke Qaleed-Bardar Usman Bin Talha Ko Bithaya Aur Qa'ba Ka Tawaf Kiya Aur Hajre Aswad Ka Bosa Liya....

*📗(Bukhari, Jild-02, Safa-614)*

💛Ye Inqlabe Zamana Ki Ek Hairat Angez Misal Hai Ki Hazrate Ibrahim Khaleelullah Aleyhissalam Jinka Laqab *Butt Shikan* Hai Unki Yadgar Khana-E-Qaba Ke Andrune Hisse 360 Bitto Ki Katar thi, Fateh Makkah Huzur ﷺ Ka Hazrate Khaleel Ka Ja'nashin Hone ki Haisiyat Se Farz-E-Awwal tha ki Yaadgare Khaleel ko Butto ki Najis Aur Gandi Alaeesho se Paak Kar de...

💙Chunache Aap Khud Ba'nafse Nafees Chadi Lekar Khade Huwe, Aur Un Butto ko Chadi Ki Nok Se Thoke Markar Girate Jate the Aur *जा-अल हक्कू व जह-कल बातिल* Ki Ayat Tilawat Farmate Jate the Yani *Haq Aa Gaya Batil Mitt Gaya* Aur Batil Mitne ki hi Cheez Thi...

*📗(Bukhari, Jild-02, Safa-612, Fateh Makkah Wagerah)*

💜Fir Un Butto Ko Jo Ayen Qaba Ke Andar The Huzur ﷺ Ne Huqm Diya ki Woh Sab Nikale Jaye Chunache Woh Sab Nikalkar Bahar Kiye Gaye Unhi Butto Me Hazrate Ibrahim W Hazrate Ismail Aleyhissalam Ke Mujassame bhi the Jiske Hath me Faal Kholne ke Teer the Aapne Unko Dekhkar Farmaya ki Allah Taa'la Un Kafiro ko Maar Dale Un Kafiro ko Khoob Maloom hai Ki Un Dono Paygambaro Ne Kabhi bhi Apna Faal Nahi Bola..

💚Jab Tak Ek-Ek Butt Qa'ba Ke Andar se Naa Nikal Gaya Aapne Qa'ba ke Andar Qadam Nahi Rakha Jab Tamam Butto Se Qa'ba Paak Ho Gaya To Aap Apne Sath Hazrate Usama Bin Zaid Aur Hazrate Bilal رضي الله عتهما Aur Usman Bin Talha Halbi ko Sath Lekar Khana-E-Qaba Ke Andar Tashrif Le Gaye Aur Baitullah Sharif ke Tamam Gosho me Takbeer Padhi Aur 2 Raq'at Namaz bhi Ada Farmayi Uske Bad Bahar Tashrif Laye...

*📗(Bukhari, Jild-02, Safa-218, Baab Mankabar ki Nawafil Qa'ba)*

*📗(Bukhari, Jild-02, Safa-614, Fateh Makkah Wagera)*

🌈Qa'ba Muqaddasa Ke Andar Se Jab Aap Bahar Nikle To Usman Bin Talha Ko Bulakar Qa'ba ki Kunji Unke Hath me Ata Farmayi Aur Irshad Farmaya...

*🏟ख़ुज़ूहा खाली-दतंन ताली-दतंन, लायन-ज़ऊहा मीनकुम इल्ला जालिमुन ।*

💟SEHANSHAH-E-RISALAT KA DARBARE AAM....*

❤Iske Bad Tajdare Do Aalam Huzur ﷺ Sehanshah-E-Islam Ki Hesiyat Se Harame Ilahi Me Sabse Pehla Darbar-E-Aam Mun'aqad Kiya Jisme Afwaje Islam Ke Alawa Hazari Kuffar-E-Mushrikin Ke Khaas W Awam Ka Ek Zabardast Ijdiham Tha.. 

💛Is Sehanshahi Khutba Me Aapne Sirf Ahle Makkah Hi Se Nahi Balke Tamam Aqwame Aalam Se Khitab Farmate Huwe Irshad Farmaya Ki..

*💜EK KHUDA KE SIWA KOI MA'BOOD NAHI ! USKA KOI SHARIK NAHI ! Usne Apna Wa'da Sach Kar Dikhaya Usne Apne Bande(Huzur ﷺ) Ki Madad Ki, Aur (Kuffar Ke) Tamam Lashkaro Ko Tanha Shikasht De di, Tamam Fakhr Ki Bate, Tamam Khoono Ka Badla, Tamam Purane Khoon-Baha Aur Jahiliyat Ki Rasme Sab Mere Pairo Ke Piche Hai..*

*💙Sirf Qa'ba Ki Touliyat Aur Hujjaz Ko Paani Pilana, Yeh Do Aejaz Isse Barri Hai, Aye Qoum-E-Quraish ! AB Jahiliyat Ka Guroor Aur Khandano Ka Iftikhar Khuda Ne Mita Diya, Tamam Log Ab Hazrate Adam Aleyhissalam Ki Nasl Se Hai Aur Hazrate Aadam Aleyhissalam Mitti Se Banaye Gaye hai...*

💚Iske Bad Huzur ﷺ Ne Qur'an Majeed Ki Yeh Aayat Tilawat Farmayi..

⤵Tarjuma:- 

*💟AYE LOGO ! Humne Tumko Ek Mard Aur Ek Aurat Se Payda Kiya Aur Tumhare Liye Qabeele Aur Khandan Bana Diye Taki Tum Aapas Me Ek Dusre Ki Pehchan Rakho, Lekin Khuda Ke Nazdik Sabse Zyada Sharif Wo Hai Jo Sabse Zyada Parhezgar Hai, Yakeenan ALLAH Taa'la Bada Janne Wala Aur Khabar Rakhne Wala hai, Beshak ALLAH Ne Sharab Ki Kharid-O-Farokht Ko Haram Farma Diya hai...*

*📗(SEERAT-E-IBNE HISHAM, JILD-02, SAFA-412, MUKHTASARAN-W-BUKHARI WAGERAH)*

❤Iske Bad Huzur ﷺ Ne Us Hazaro Ke Majme Me Ek Gehri Nigaah Dali, To Dekha Ke Ser Jhukaye Zalimo Aur Jafakaro Me Woh Log Bhi The Jinhone Aapke Raaste Me Kaante Bichaye The, Woh Log Bhi The Jo Kayibar Aap Par Pattharo ki Barish Kar Chuke The, Woh Khunkhar Bhi The Jinhone Bar-Bar Aap Par Qatilana Hamle Kiye the, Woh Be-Raham Be-Dard Bhi The Jinhone Aapke Dandane Mubarak Ko Saheed Aur Aapke Chehre Mubarak Ko Lahuluhan Kar Dala Tha..

💛Woh Aubash Bhi The Jo Barsaha-Baras Tak Apni Bohtan-Tarashiyo Aur Sharmnaak Galiyo Se Aapke Qalbe Mubarak Ko Zakhmi Kar Chuke the, Woh Saffaq-W-Darinda-Sifat Bhi The Jo Aapke Gale Me Chadar Ka Funda Dalkar Aapka Gala Ghoot Chuke The, Woh Zulm-O-Sitam Ke Mujasse Aur Paap Ke Putle Bhi The Jinhone Aapki Sahibzadi Hazrate Zainab رضي الله تعالى عنها Ko Neza Markar Ount Se Gira Diya tha Aur Unka Hamal Saqit Ho Gaya tha..

💜Woh Aapke Khoon Ke Pyaase Bhi The Jinki Tishna-Labi Aur Pyaas Khoon-E-Nabuwwat Ke Siwa Kisi Cheez Se Nahi Bujh Sakti thi, Woh Jafakar-W-Khunkhar Bhi The Jinke Jarehana Hamlo Aur Zalimana Yalgaar Se Baar-Baar Madina Munawwara Ke Daro Deewar Hill Chuke the, Huzur ﷺ Ke Pyaare Chacha Hazrate Hamza رضی الله عنہ Ke Qatil Aur Unki Naak-Kaan Katne Wale, Unki Aankhe Fodne Wale, Unka Jigar Chabane Wale Bhi Isi Majme Me Mojud the....

❤Woh Sitamgaar Jinhone Sham'e Nabuwwat Ke Ja-Nisar Parwano Hazrate Bilal, Hazrate Shoyeb, Hazrate Ammar, Hazrate Khwwab, Hazrate Khubaib, Hazrate Zaid Bin Dasina Wagerah  رضي الله عنهم Ko Rassiyo Se Bandhkar Kode Maarkar Jalti Huyi Rett Par Litaya tha Kisi Ko Aag Ke Koylo Par Sulaya tha, Kisi Ko Chatayi Me Lapetkar Naak Me Dhunwe Diye the, Sekdo Ka Gala Ghota Tha...

💛Yeh Tamam Zor-O-Jafa Aur Zulm-O-Sitangari Ke Paikar, Jiske Jism Ke Rounghte-Rounghte Aur Badan Ke Baal-Baal Zulmo-Udwan Aur Sarkashi-W-Tugyan Ke Wabal Ke Khoufnaak Jurm Aur Sharmnaak Mazalim Ke Pahad Bann Chuke The....

💙Aaj Yeh Sab Ke Sab 10 Se 12 Hazar Muhajirin-W-Ansar Ke Lashkar ki Hirasat Me Mujrim Bane Huwe Khade The Aur Apne Dil Me Ye Soch Rahe the Ki Shayad Ab Humari Lasho ko Kutto Se Nuchwakar, Humari Betiya Chill-Kawwo Ko Khila Di Jayegi Aur Ansar-W-Muhajirin Ki Gazabnaak Fouje Humare Bacche-Bacche Ko Khaak-O-Khoon Me Milakar Humari Naslo ko Nesto-Nabood Kar Dalenge...

💜Aur Humari Bastiyo ko Taakht-W-Taraj Karke Tehas-Nahas Kar Dalenge, Un Mujrimo Ke Seene Me Khouf-O-Haras Ka Toofan Uth Raha Tha, Dehshat Aur Darr Se Unke Badano Ki Boti-Boti Fadak Rahi Thi, Dil Dhadhak Rahe the Kaleje Munh Me Aa Rahe the Aur Aalam-E-Yaas me Unhe Zameen Se Aasman Tak Dhunwe Ke Khoufnaak Badal Nazar Aa Rahe the, 

❤Is Mayoosi Aur Na'Ummidi Ki Khatarnaak Fiza Me Ek Dumm Sehnshahe Risalat Ki Nigahe Rehmat In Papiyo Ki Taraf Mutawajjah Huyi Aur Un Mujrimo Se Aapne Pucha Ki *Bolo Tumko Kuch Maloom hai ??* Ki Aaj Me Tumse Kya Muammla Karne Wala hu Is Dehshat Angez Aur Khoufnaak Sawal Se Mujrimin Hawas-Bakhta Hokar Kaanp Uthe Lekin Jabeene Rehmat Ke Paygambarana Tewer Ko Dekhkar Ummido-Bim Ke Mashhar Me Larazte Huwe Sab Ek Zuban Hokar Bol Uthe ki...

*💖AAP KARAM WALE BHAI AUR KARAM WALE BAAP KE BETE HAI...*

💛Sab Ki Lalchayi Huyi Nazre Jamale Nabuwwat Ka Munh Taak Rahi Thi Aur Sabke Badan Sehanshahe Nabuwwat Ka Faisla-Kunn Jawab Sunne ke Muntazir The Ki Ek Daf'atan Fateh Makkah Ne Apne Karimana Lehze Me Irshad Farmaya ki *AAJ TUMPAR KOI ILZAM NAHI JAWO TUM SAB AAZAD HO*...

*📗(ZURQANI, JILD-02, SAFA-328)*

💙Bilkul Gair Mutawakkeh Tor Par Ekdum Achanak Yeh Farmane Rehmat Sunkar Sab Mujrimo ki Aankhe Farte Nadamat Se Ashkbaar Ho Gayi, Aur Unke Dilo ki Gehraiyo Se Jazbate Shukriya Ke Aasar Aansuwo Ki Dhaar Bankar Unke Rukhsar Par Machalne Lage Aur Kuffar ki Zubano Par *KALMA SHARIF* Ke Naro Se Harame Qaba Ke Darr-O-Deewar Par Har Taraf Anwar ki Barish Hone Lagi, Nagha Bilkul Hi Achanak Aur Daf'atan Ek Azeem Inqilab Barpa Ho Gaya Ki Sama Hi Badal Gaya Fiza Hi Palat Gayi Aur Esa Mehsoos Hone Laga ki...

*🌹JAHA TARIQ THA, BE NOOR THA AUR SAKHT KAALA THA...*

*🌷KOI PARDE SE KYA NIKLA KI GHAR-GHAR ME UJALA THA...*

💟DUSRA KHUTBA....*

❤Fateh Makkah Ke Dusre Din Bhi Aapne Ek Khutba Diya Jisme Harame Qa'ba Ke Ahkam-W-Aadab Ki Taleem Di Ki Haram Me Kisi Ka Khoon Bahana, Janwaro ko Marna, Shikar Karna, Darakht Katna, Izkhar Ke Siwa Koi Ghaans Katna Haram hai, Aur ALLAH Ne Apne Rasool Ko Ghadi Bhar Ke Liye Haram Me Jung ki Ijazat Di Fir Qayamat Tak Kisi ko Haram Me Jung ki Ijazat Nahi Hai..

💛ALLAH Ne Usko Haram Bana Diya Hai Na Mujse Pehle Kisi Ke Liye Is Sehar me Khun-Rezi Halal Ki Gayi Na Mere Bad Qayamat Tak Kisi Ke Liye Halal Ki Jayegi...

*📗(BUKHARI, JILD-02, SAFA-617- FATEH MAKKAH)*

*💟ANSAR KO FIRAQE RASOOL KA DARR...*

💙Ansar Ne Quraish Ke Sath Jab Huzur ﷺ Ke Is Karimana Husne Sulook Ko Dekha Aur Huzur ﷺ Kuch Dino Tak Makkah Me Thehar Gaye To Ansar Ko Ye Khatra Lahik Ho Gaya Ki Shayad Huzur ﷺ Par Apni Qoum Aur Watan Ki Muhabbat Galib Aa Gayi Kahin Esa Na Ho Ki Aap Makkah Me Ikamat Farma Le Aur Hum Log Aapse Door Ho Jaye, Jab Huzur ﷺ Ko Ansar ke Is Khayal Ki Ittela Huyi To Aapne Irshad Farmaya ki..

*💖MAAZ'ALLAH AYE ANSAR ! AB TO HUMARI ZINDAGI AUR WAFAT TUMHARE HI SATH HAI*

*📗(SEERAT-E-IBNE HISHAM, JILD-02, SAFA-416)*

💜Yeh Sunkar Farte Musarrat Se Ansar Ki Aankho me Aansu Jari Ho Gaye Aur Sabne Kaha Ki Yaa RASOOLALLAH ﷺ Hum Logo Ne Jo Kuch Dil me Khayal Kiya Ya Zuban Se Kaha Iska Sabab Aapki Zaat-E-Mukaddasa Ke Sath Humara Jazba-E-Ishq Hai Kyonki Aapki Judayi Ka Tasawwur Humare Liye Na'Qabile Bardasht ho Raha tha..

*📗(ZURQANI, JILD-02, SAFA-333)*

*💟QA'BE KI CHATT PAR AZAN...*

❤Jab Namaz Ka Waqt Aaya To Huzur ﷺ Ne Hazrate Bilal رضی الله عنہ Ko Hukm Diya Ki Qa'ba Ki Chatt Par Charkar Azan De, Jis Waqt *ALLAHU ALBAR-ALLAHU AKBAR* Ki Imaan Afroz Sada Buland Huyi To Haram Ke Hisar Aur Qa'ba Ke Darr O Deewar Par Imani Zindagi Ke Aasar Namoodar Ho Gaye...

💛Magar Makkah Ke Woh 

Naw-Muslim Jo Abhi Kuch Thande Pad Gaye the Azan Ki Aawaz Sunkar Unke Dilo Me Gairat Ki Aag Bhadak Uthi Chunache Riwayat Hai Ki Hazrate Attab Bin Usaid Ne Kaha ki Khuda Ne Mere Baap ki Laaj Rakh Li, Ki Is Aawaz Ke Sunne Se Pehle Hi Duniya Se Utha Liya Aur Ek Dusre Sardare Qiraish Ke Munh Se Nikla Ke 

*AB YAHA JEENA BEKAR HAI...*

*📗(ZURQANI, TAZKIRA-E-ATTAB BIN USAID, JILD-02, SAFA-451)*

*📗(ZURQANI, JILD-02, SAFA-346)*

💜Magar Iske Bad Huzur ﷺ Ke Faize Sohbat Se Hazrate Attab Bin Usaid رضی الله عنہ Ke Dil Me NOOR-E-IMAAN Ka Suraj Chamak Utha Aur Woh Sahib-Ul-Imaan Musalman Ho Gaye, Chunache Makkah Se Rawana Hote Waqt Huzur ﷺ Ne Unhi Ko Makkah Ka Hakim Banaya...

*📗(SEERAT-E-IBNE HISHAM, JILD-02, SAFA-413 W 440)*

*💟BAIY'T-E-ISLAM...*

❤Iske Bad ﷺ Kohe Safa Ki Pahadi Ke Niche Ek Buland Maqam Par Bethe Aur Log Jhok-Dar-Jhok Aapke Daste Haq Parast Par Islam Ki Baiy't Karne Lage, Mardo Ki Baiy't Khatm Ho Chuki To Aurto ki Bari Aayi Huzur ﷺ Baiy't Karne Wali Se Jab Woh Tamam Sharait Ka Ikrar Kar Leti To Huzur ﷺ Use Farma Dete the ki *MENE TUJHSE BAIY'T LE LI*....

💛Hazrate Bibi Ayesha رضي الله تعالى عنها Ka Bayan Hai Ki Khuda Ki Kasam Aapke Hath Me Baiy't Ke Waqt Kisi Aurat Ke Hath Ko Nahi Chuwa Sirf Kalam Hi Se Baiy't Farma Lete the...

💚Unhi Aurto Me Naqab Odhkar Hinda Binte Utba Bin Rbiya Bhi Baiy't Ke Liye Aayi, Jo Hazrate Abu Sufyan رضی الله عنہ  Ki Biwi Aur Hazrate Ameer-E-Muaviya رضی الله عنہ  Ki Walida Hai, Yahi Woh Hinda Hai Jinhone Junge Uhood Me Hazrate Hamza رضی الله عنہ  Ka Shiqam Chaak Karke Unke Jigar Ko Nikalkar Chaba Dala Tha Aur Unke Kaan-Naak Ko Kaatkar Aur Aankhe Nikalkar Ek Dhage Ne Pirokar Gale Ka Haar Banaya tha...

💜Jab Ye Baiy't Ke Liye Aayi To Huzur ﷺ Ne Nihayat Dileri Ke Sath Guftagu Ki Unki Guftagi Niche Tafseel se Padhe...

*💖HUZUR ﷺ NE FARMAYA* :- Tum Khuda Ke Sath Kisi ko Sharik Mat Karna...

*🖤HINDA BINTE UTBA*:- Yeh Ikrar Aapne Mardo Se To Nahi Liya Lekin Baharhaal Hum ko Manzoor hai...

*💖HUZUR ﷺ NE FARMAYA* :- Apni Aulad Ko Qatl Na Karna..

*🖤HINDA BINTE UTBA* :- Humne To Baccho Ko Paala Tha Aur Jab Woh Bade Ho Gaye To Aapne Unhe Jung-E-Badr Me Unko Maar Dala Ab Aap Jane Aur Woh Jane...

💛Baharhaal Hazrate Abu Sufyan Aur Unki Biwi Hinda Binte Utba Dono Musalman Ho Gaye (رضي الله عتهما) *Lihaza In Dono Ke Bare Me Bad-Gumani Ya Un Dono Ki Shaan Me Bad-Zubani Rafzi (Shiya Khatmal) Ka Mazhab Hai, Ahle Sunnat Ke Nazdik Un Dono Ka Shumar Sahaba Aur Sahabiyat Ki Fehrisht me hai....*

💚Ibteda Me Un Dono Ke Imaan Me Kuch Tajjub Raah Ho Magar Bad Me Yeh Dono Musalman Ho Gaye Aur Imaan Par Hi Un Dono ka Khatma Huwa (رضي الله عتهما)....

❤Hazrate Bibi Ayesha رضي الله تعالى عنها Ka Bayan Hai Ke Hinda Binte Utba Bargahe Nabuwwat Me Aayi Aur Yeh Arz Kiya Ki Ya RASOOLALLAH ﷺ 

Roo-E-Zameen Par Aapke Ghar Walo Se Zyada Kisi Ke Ghar Wale Ka Zaleel Hona Muje Mehboob Na Tha, Magar Ab Mera Yeh Haal Hai Ki 

Roo-E-Zameen Par Aapke Ghar Walo Se Zyada Kisi Ke Ghar Wale Ka Izzatdar Hona Muje Pasand Nahi...

💚Isi Trah Hazrate Abu Sufyan رضی الله عنہ  Ke Bare Me Muhaddis Ibne Asakir Ki Ek Riwayat Hai Ki Yeh Masjide Haram Me Bethe Huwe the, Aur Huzur ﷺ Samne Se Nikle To Unhone Apne Dil Me Kaha *KONSI TAQAT UNKE PAS ESI HAI KI YEH HAR WAQT HUMPAR GALIB REHTE HAI* To Huzur ﷺ Ne Unke Dil Me Chupe Khayal Ko Jaan Liya Aur Qareeb Aakar Aapne Unke Seene Par Hath Mara Aur Farmaya Hum Khuda ki Taqat Se Galib Aa Jate hai Ye Bat Sunkar Abu Sufyan Ne Buland Aawaz Se Kaha ki *Me Gawahi Deta hu Ke Beshak Aap ALLAH Ke Rasool Hai*...

💛Aur Muhaddis Haqim Aur Unke Shagird Imam Behayki Ne Hazrate Ibne Abbas رضی الله عنہ Se Yeh Riwayat Ki Hai ki Hazrate Abu Sufyan رضی الله عنہ  Ne Huzur ﷺ Ko Dekhkar Apne Dil Me Kaha Ki *Kash Me Ek Fouj Jama Karke Dobara Unse Jung Karta* Idhar Unke Dil Me Khayal Aaya hi Tha Ke Huzur ﷺ Ne Aage Badhkar Unke Seene Par Hath Mara Aur Farmaya Ki *Agar Tu Esa Karega To ALLAH TAA'LA Tujhe Zaleel-O-Khawar Karega* Ye Sunkar Hazrate Abu Sufyan رضی الله عنہ Touba-W-Istigfar Karne Lage Aur Arz Kiya Muje Is Waqt Aapki Nabuwwat Ka Ilm Hasil Ho Gaya Kyonki Aapne Mere Dil me Chupe Raaz ko Jaan Liya...

*📗(ZURQANI, JILD-02, SAFA-346)*

💜Yeh Bhi Ek Riwayat Milti hai Ki Jab Sabse Pehle Huzur ﷺ Ne Unpar Islam Pesh Farmaya To Unhone Kaha Ki *Fir Me Apne Ma'bood Ujjza Ka Kya Karunga* To Hazrate Umar رضی الله عنہ Ne Barjasta Farmaya Tha Ki *Tum Ujjza Par Pa'khana Kar Dena* Chunache Huzur ﷺ Ne Jab Ujjza Ko Todne Ke Liye Hazrate Khaleed Bin Waleed رضی الله عنہ  Ko Rawana Farmaya To Sath Me Hazrate Abu Sufyan رضی الله عنہ  ko Bhi Bheja Aur Unhone Apne Hath Se Apne Ma'bood Ujjza Ko Tod Diya, Yeh Muhammad Bin Ishak ki Riwayat Hai Aur Ibne Hisham Ki Riwayat Hai Ki Ujjza ko Hazrate Ali رضی الله عنہ  Ne Toda Tha...

Wallahu Taa'la Aalam....

*📗(ZURQANI, JILD-02, SAFA-349)*

💟BUTT PARASTI KA KHATMA...*

❤Gujashta Auraq Me Hum Tehrir Kar Chuke Ki Khane Qa'ba Ke Tamam Butto Aur Deewaro Ki Tasveer Ko Tod-Fod Kar Aur Mitakar Makkah Ko To Huzur ﷺ Ne Butt Parasti Ki La'nat Se Paak Kar Hi Diya tha, Lekin Makkah Ke Atraf Me Bhi Butt-Parasti Ke Kuch Marakiz The Ya'ni *LAAT, MANAT, SUWA'A, UJJA,* Yeh Kuch Bade Bade Butt The..

💛Jo Mukhtalif Qabeele Ke Ma'bood The Huzur ﷺ Ne Sahaba-E-Kiram Ke Lashkaro Ko Bhejkar Un Sab Butto Ko Tod-Fod Kar Butt-Parasti Ke Sare Tilism Ko Tehas Nahas Kar Diya Aur Makkah Neez Uske Atraf-W-Jawanib Ke Tamam Butto Ko Nesto Nabood Kar Diya...

*📗(ZURQANI, JILD-02, SAFA-347 Se 349)*

💚Har Taraf Baani-E-Qaba Hazrate Khalilullah Aleyhissalam Ke Ja-Naseheen Huzur ﷺ Ne Apne Muris-E-Aala Ke Mission Ko Mukammal Farma Diya Aur Dar-Hakikat Fateh Makkah Ka Sabse Bada Yahi Maksad Tha Shirk-W-Butt Parasti Ka Khatma Aur Touheed-E-Khuda Wandi Ka Bol Baala Ho Gaya Chunache Azeem Maksad Bee-Hamdihi Taa'la Ba-Barja-E-Atamma Hasil Ho Gaya ki *Aaja Ki Bund Na'ra E Kuffaro Mushrika, Aknu Kharosh Na'ra E ALLAHU Akbar Ast...*

*💟KUCH NA-QABEELE MUAFI MUJRIM....*

❤Jab Makkah Fateh Ho Gaya To Huzur ﷺ  Ne Aam Muafi Ka Elaan Farma Diya Magar Kuch Ese Mujrimeen The Jinke Bare Me Tajdare Do Aalam ﷺ Ne Yeh Farman Jari Kar Diye Ki Yeh Log Agar Islam Na Qabool Kare To Yeh Log Jaha Bhi Mile Qatl Kar Diye Jaye, Khawah Ke Woh Gilafe Qa'ba Me Hi Kyu Na Chupe ho, Un Mujrimo Me Se Ba'az Ne To Islam Qabool Kar Liya Magar Kuch Qatl Kar Diye Gaye Unme se...

*💜ABDUL UJJA BIN KHATAL* Yeh Musalman Ho Gaya tha Usko Huzur ﷺ Ne Zakat Ke Janwar Wasool Karne ke Liye Bheja tha Aur Sath Me Ek Dusre Musalman Ko Bhi Bhej Diya, Kisi Bat Par Dono Me Takrar Ho Gayi To Usne Us Musalman Ko Qatl Kar Diya Aur Qisas Ke Darr se Tamam Janwaro Ko Lekar Makkah Bhag Nikla Aur Murtad Ho Gaya, Fateh Makkah Ke Din Ye Bhi Ek Chota sa Lashkar Lekar Musalmano Se Ladne Ke Liye Ghar Se Nikla tha Lekin Musalmano Ke Jaah-O-Jalal Dekhkar Kaanp Utha Aur Neza Fenkar Bhaga Aur Qa'ba Ke Pardo Me Chup Gaya Hazrate Saeed Bin Hurais Makhzumi Aur Abu Barja Aslami رضي الله عتهما Ne Milkar Usko Qatl Kar diya..

*📗(ZURQANI, JILD-02, SAFA-322)*

*💚HUWAISH BIN NUQAID* Ye Shayar Tha Aur Huzur ﷺ Ki Hijro Likha Karta tha Aur Khoon Ka Mujrim bhi tha Hazrate Ali رضی الله عنہ Ne Uski Qatl Kar Diya...

*💛MIKYAS BIN SUBABA* Usko Numaila Bin Abdullah Ne Qatl Kiya Yeh Bhi Khooni tha...

*🖤HARIS BIN TULATIL* Yeh Bhi Bada Hi Muzi Tha Hazrate Ali رضی الله عنہ Ne Usko Qatl Kiya...

*❤KUREBA* Yeh Ibne Akhtal Ki Londi Thi Huzur ﷺ Ki Hijro Gaaya Karti thi Ye Bhi Qatl Kar Di Gayi....

💟MAKKAH SE FARAR HO JANE WALE...*

❤4 Saksh Makkah Se Bhaag Nikle The Un Logo Ka Mukhtasar Tazkira Yeh Hai...

*1⃣IKRAMA BIN ABU JAHAL...*

💛Yeh Abu Jahal Ke Bete Hai Isliye Unki Islam Se Dushmani Ka Kya Kehna, Yeh Bhagkar Yaman Chale Gaye Lekin Inki Biwi Umme Hakim Jo Abu Jahal Ki Bhatiji Thi Unhone Islam Qabool Kar Liya Aur Apne Sohar Ikrama Ke Liye Bargahe Risalat me Muafi Ki Darkhawast Pesh Ki Huzur ﷺ Ne Unhe Muaf Farma Diya..

💚Uske Bad Umme Hakim Khud Yaman Gayi Aur Muafi Ka Haal Bayan Kiya, Ikrama Hairan Reh Gaye Aur Intehayi Tajjub Ke Sath Kaha Ki Kya Mujko  Muhammad(Huzur ﷺ) Ne Muaf Kar Diya ? BAHARHAAL Wo Apni Biwi Ke Sath Bargahe Risalat Me Musalman Hokar Hazir Huwe..

💙Huzur ﷺ Ne Jab Unko Dekha To Be-Hadd Khush Huwe Aur Is Tezi Ke Sath Unki Taraf Badhe Ki Jisme Athar Se Chadar Sharif Gir Padi Fir Hazrate Ikrama Ne Khushi-Khushi Huzur ﷺ Ke Daste Haq Parast Par Bayt-E-Islam Ki...

*2⃣SAFWAN BIN UMAIYYA...*

💜Yeh Umaiyya Bin Khalaf Ke Farzand Hai Apne Baap Umaiyya ki Tarah Ye Bhi Islam Ke Bahut Bade Dushman The Fateh Makkah Ke Din Bhaagkar Jiddah Chale Gaye, Hazrate Umair Bin Wahab رضی الله عنہ Ne Bargahe Risalat Me Unki Darkhawast Pesh Ki Aur Arz Kiya Ki Yaa RASOOLALLAH ﷺ Quraish Ka Ek Raees Safwan Makkah Se Jala-Watan Hona Chahta hai Huzur ﷺ Ne Unko Bhi Muafi Ata Farma Dee Aur Aman Ke Nishan Ke Tor Par Hazrate Umair Ko Apna Amamah Inayat Farmaya...

🖤Chunache Woh Muqaddas Amamah Lekar Jiddah Gaye Aur Safwan Ko Makkah Lekar Aaye, Safwan Junge Hunain Tak Musalman Nahi Huwe Uske Bad Islam Qabool Kar Liya....

3⃣QA'AB BIN HUZAIR...*

❤Yeh Sann 9 Hijri Me Apne Bhai Ke Sath Madina Aakar Musharraf Ba-Islam Huwe Aur Huzur ﷺ Ki Madad Me Apna Mashoor Qaseeda *BANAT SUWAD* Padha, 

Huzur ﷺ Ne Khush Hokar Unko Apni Chadar Mubarak Inayat Farmayi Huzur ﷺ Ki Yeh Chadar Mubarak Hazrate Qa'ab Bin Zuhair رضی الله عنہ Ne Apne Doure Khilafat Me Unko 10,000 Dirham Pesh Kiya Ki Yeh Muqaddas Chadar Hume De do Magar Unhone Saaf Inkar Kar Diya Aur Farmaya Ki Me RASOOLALLAH ﷺ Ki Yeh Chadar Mubarak Hargiz-Hargiz Kisi ko Nahi De Sakta..

💛Lekin Aakhir Hazrate Ameer Muaviya رضی الله عنہ Ne Hazrate Qa'ab Bin Huzair رضی الله عنہ Ke Wisal Ke Bad Unke Wariso Ko 20,000 Dirham Dekar Woh Chadar Le li, Aur Arsa Daraz Tak Woh Chadar Salatine Islam Ke Pas Ek Muqaddas Tabarruk Bankar Rahi...

*4⃣WAHSHI...*

💚Yahi Woh Wahshi Hai Jinhone Jung-E-Uhood Me Huzur ﷺ Ke Chacha Hazrate Hamzah رضی الله عنہ Ko Saheed Kiya Tha, Yeh Bhi Fateh Makkah Ke Din Bhagkar Taeef Chale Gaye The, Magar Fir Taeef Ke Wafad Ke Humrah Bargahe Risalat Me Hazir Hokar Musalman Ho Gaye Huzur ﷺ Ne Unki Zuban Se Apne Chacha Ke Qatl Ki Khooni Dastan Suni Aur Ranj-O-Ghum Me Doob Gaye, Magar Unko Bhi Aapne Muaf Farma Diya...

💙Lekin Huzur ﷺ Ne Unse Farmaya ki Wahshi Tum Mere Samne Naa Aaya Karo, Hazrate Wahshi Ko Iska Be-hadd Malal Rehta tha, Fir Hazrat Abu Bakr Siddiq رضی الله عنہ Ki Khilafat Ke Zamane Me Muselamtul Qazzab Ne Nabuwwat ka Dawa Kiya Aur Lashkare Islam Ke Is Mal'un Se Jihad kiya To Hazrate Wahshi Bhi Apna Neza Lekar Jihad Me Shamil Huwe Aur Muselamtul Qazzab Ko Qatl Kar Diya Hazrate Wahshi Apni Zindagi me Kaha Karte the...

*🖤MENE DOURE JAHALAT ME BEHTAREEN INSAN(HAZRATE HAMZA) KO QATL KIYA, AUR APNE DOURE ISLAM ME BAD-TAREEN INSAN(MUSELAMTUL QAZZAB) KO QATL KIYA* Unhone Darbare Aqdas Me Apne Jurm Ka Aeteraf Karte Huwe Arz Kiya Ki Kya Khuda Mujh Jese Mujrim Ko Bhi Baksh Dega Us Waqt Ye Aayat Nazil Huyi...

*💞AYE HABIB ! AAP FARMA DIJIYE KI AYE MERE BANDE ! JINHONE APNI JAANO PAR HADD SE GUNAH KAR LIYA HAI, ALLAH KI REHMAT SE NA-UMMID MAT HO JAO, ALLAH TAMAM GUNAHO KO BAKSHNE WALA AUR BAHUT MEHARBAN HAI.......*

*📚(SEERAT-E-MUSTAFA)*

💟MAKKAH KA INTEZAM....*

❤Huzur ﷺ Ne Makkah Ka Bazmo-Nask Aur Intezam Chalane Ke Liye Hazrate Attab Bin Usaid رضی الله عنہ Ko Makkah Ka Haqim Mukarrar Farma Diya Aur Hazrate Muaz Bin Jabal Ko Masaeel-W-Ahqame Islam Ki Taleem Dete Rahe...

*📗(MADARIJ-UN-NABUWWAH, JILD-02, SAFA-324)*

💚Isme Ikhtelaf Hai Ki Fateh Makkah Ke Bad Kitne Dino Tak Huzur ﷺ Makkah Me Rahe, Abu Dawood ki Riwayat Hai Ki 17 Din Tak Aap Makkah Me Muqeem Rahe Aur Tirmizi Ki Riwayat Se Pata Chalta Hai Ki 18 Din Aapka Qayam Raha Lekin Imam Bukhari Ne Hazrate Abdullah Bin Abbas رضي الله عتهما Se Riwayat Ki Hai Ki 19 Din Aap Makkah Me Thehre...

*📗(Bukhari, Jild-02, Safa-615)*

💙In Teeno Riwayato Ko Is Trah Tasdeek Di Ja Sakti Hai Ki Abu Dawood Ki Riwayat Me Makkah Me Dakhil Hone Aur Rawangi Ke Dino Ko Shumar Nahi Kiya Gaya Hai Isi Liye 17 Dino Ki Muddat Iqamat Batayi Gayi Hai, Aur Tirmizi Sharif Ki Riwayat Me Makkah Aane Ke Din Ko Pura Shumar Kiya Kyonki Aap Subha Ko Makkah Me Dakhil Huwe The Aur Makkah Se Rawangi Ke Din ko Shumar Nahi Kiya Kyonki Aap Subha Sawere Hi Makkah Se Hunain Ke Liye Rawana Ho Gaye The Aur Imam Bukhari ki Riwayat Me Aane Aur Jane Ke Dino Ko Bhi Shumar Kar Liya Gaya Hai Isliye 19 Din Aap Makkah Me Muqeem Rahe

WALLAHU TAA'LA AALAM....

💛Isi Trah Isme Bhi Bada Ikhtelaf Hai Ki Makkah Konsi Tarikh Ko Fateh Huwa ??? Aur Aap Konsi Tarikh Ko Makkah Me Fatihana Dakhil Huwe, Imam Behayki Ne 13 Ramzan Imam Muslim Ne 16 Ramzan, Imam Ahmed Ne 18 Ramzan, Bataya Aur Ba'az Ne Riwayat me 17 Ramzan Aur 18 Bhi Marwi Hai, Magar Muhammad Bin Ishak Ne Apne Mashaeekh Ki Ek Jama'at Se Riwayat Karte Huwe Farmaya ki 20 Ramzan Sann 8 Hijri Ko Makkah Fateh Huwa...

WALLAHU TAA'LA AALAM....

Mukammal.

👉HUMARI TELEGRAM CHANNEL JOIN KARKE AUR BHI MOZUAT ROMAN ME PADH SAKTE HAI...

.

http://t.me/ZubersArchive

.

👉Follow My Page On Instagram :

.

https://instagram.com/thesword_of_ali

.

🔗Subscribe You Tube Channel :

.

youtube.com/c/TheSwordOfAli 

.

👉Join Us On Facebook.....

.

https://www.facebook.com/zuberpatelz

.

👉Is Post Ko Likhne Ke Kisi Tarah Ka Correction Ho To Is Number Par Whatsapp Kare.

📲+91 7878850005.